വാഴക്കുളം : പുളിക്കക്കുന്നേൽ പി വി തോമസ് (79) നിര്യാതനായി. സംസ്കാരം നാളെ (09/04/2024, ചൊവ്വ) 3 pm -ന് വാഴക്കുളം സെന്റ് ജോർജ് ഫൊറോന പള്ളിയിൽ. ഭാര്യ ആനി കല്ലൂർക്കാട് കരിന്തോളിൽ കുടുംബാംഗമാണ്.മക്കൾ: ഷീബ, ഷിജു, ഷീജ. മരുമക്കൾ: ജിജു അഗസ്റ്റ്യൻ മേക്കുന്നേൽ വടക്കാംഞ്ചേരി, ലിജി മഴുവഞ്ചേരി കുഴിപ്പിള്ളി, സാബു കുടിയിരിക്കൽ കല്ലൂർക്കാട്.
ഇടുക്കി: തോപ്രാംകുടിയിൽ പെൺകുട്ടി കുഴഞ്ഞുവീണ് മരിച്ചു. തോപ്രാംകുടി സ്കൂൾ സിറ്റി മങ്ങാട്ടുകുന്നേൽ പരേതനായ സിബിയുടെ മകൾ ശ്രീലക്ഷ്മി എം.എസ് (14) ആണ് മരിച്ചത്. ഇന്നലെ (ഞായർ) ഉച്ചഭക്ഷണം കഴിച്ച ശേഷം പാത്രം കഴുകുന്നതിനിടെയാണ് കുഴഞ്ഞുവീണത്. തങ്കമണി സെന്റ് തോമസ് സ്കൂളിലെ ഒമ്പതാം ക്ലാസ് വിദ്യാർത്ഥിനിയാണ്.
തൊടുപുഴ : ഹൈസ്കൂൾ കുട്ടികൾക്കായി തൊടുപുഴ ന്യൂമാൻ കോളേജിൽ സൗജന്യ അവധിക്കാല ഇംഗ്ലീഷ് ഗ്രാമർ – ഭാഷാ പരിശീലനക്കളരി നടത്തുന്നു. ഏപ്രിൽ 8 തിങ്കൾ മുതൽ 12 വെള്ളി വരെ രാവിലെ 10.00am മുതൽ 3.00pm വരെ ആണ് ക്ലാസ്സ് സമയം. ഉച്ചഭക്ഷണം കുട്ടികൾ തന്നെ കൊണ്ടുവരണം. ലാംഗ്വേജ് ലാബ്, തിയേറ്റർ, സ്മാർട്ട് ക്ലാസ് തുടങ്ങിയ ആധുനിക സംവിധാനങ്ങൾ ഉപയോഗപ്പെടുത്തി നടത്തുന്ന ക്ലാസ്സിലേക്ക് എല്ലാ കുട്ടികളെയും സ്വാഗതം ചെയ്യുന്നു.
ഉടുമ്പന്നൂർ : ക്രിസ്ത്യൻ പള്ളിക്ക് മുമ്പിൽ വച്ച് ഇന്നലെ വൈകിട്ട് ബുള്ളറ്റ് ബൈക്ക് ആൾട്ടോ കാറിലിടിച്ച് അപകടം. തൊടുപുഴ ഭാഗത്തു നിന്നും വന്ന ബൈക്ക് നിയന്ത്രണം നഷ്ടപ്പെട്ട് കാറിൽ ഇടിക്കുകയായിരുന്നു എന്ന് പ്രദേശവാസികൾ പറഞ്ഞു. ഇടിയുടെ ആഘാതത്തിൽ ബുള്ളറ്റിന്റെ മുൻഭാഗവും റിമ്മും തകർന്നു. കാറിന്റെ മുൻഭാഗവും തകർന്നു. സാരമായ പരിക്കു പറ്റിയ ബൈക്ക് യാത്രികനെ ആശുപത്രിയിൽ പ്രവേശിപ്പിച്ചതായാണ് നാട്ടുകാർ നൽകിയ അറിവ്. വാഹന യാത്രികരുടെ പേരുവിവരങ്ങൾ ലഭ്യമായിട്ടില്ല.
മലയാറ്റൂർ: തീർത്ഥാടകർ സഞ്ചരിച്ച കാർ തീർത്ഥാടനം കഴിഞ്ഞ് മടങ്ങി വരും വഴി ഉടുമ്പന്നൂർ മഞ്ചിക്കല്ലിന് സമീപം എതിർ ദിശയിൽ വന്ന പൾസർ ബൈക്കിലിടിച്ച് അപകടം. ബൈക്ക് പൂർണ്ണമായും അപകടത്തിൽ തകർന്നിട്ടുണ്ട്. ഇരു വാഹന യാത്രികരും ഇടുക്കി ഉപ്പുകുന്ന് സ്വദേശികളാണ്. അപകടത്തിൽ പരിക്ക് പറ്റിയ ബൈക്കിൽ സഞ്ചരിച്ച രണ്ടു യാത്രികരെയും ആശുപത്രിയിലേക്ക് മാറ്റി. ഇന്നലെ രാത്രി പത്തുമണിയോടെയാണ് അപകടമുണ്ടായതെന്ന് പ്രദേശവാസികൾ പറഞ്ഞു. അപകട ശബ്ദം കേട്ടെത്തിയ പ്രദേശവാസികളാണ് രക്ഷാപ്രവർത്തനം നടത്തിയത്.
മലപ്പുറം : മലപ്പുറം ജില്ലയിലെ കൊണ്ടോട്ടിയിൽ കോളേജ് വിദ്യാർത്ഥിയെ തൂങ്ങിമരിച്ച നിലയിൽ കണ്ടെത്തി. കൊണ്ടോട്ടി ഇഎംഇഎ കോളേജിലെ ബി.കോം വിദ്യാർത്ഥി വസുദേവ് റെജി (20) ആണ് മരിച്ചത്. എറണാകുളം കോതമംഗലം സ്വദേശിയാണ് വസുദേവ്. താമസിക്കുന്ന ഫ്ലാറ്റിനുള്ളിലാണ് വിദ്യാർത്ഥിയുടെ മൃതദേഹം കണ്ടെത്തിയത്. സംഭവത്തിൽ കൊണ്ടോട്ടി പൊലീസ് സ്ഥലത്തെത്തി ഇൻക്വസ്റ്റ് നടപടികൾ തുടങ്ങിയിട്ടുണ്ട്.
പടി.കോടിക്കുളം : ഏറത്തുമുട്ടത്തുകുന്നേൽ മാത്യു ആന്റണിയുടെ ഭാര്യ ലൂസി മാത്യു (70) നിര്യാതയായി. സംസ്കാരം ഞായറാഴ്ച്ച 3.30ന് വാഴക്കാല സെന്റ് മേരീസ് പള്ളിയിൽ. പരേത കാഞ്ഞിരപ്പള്ളി നരിതൂക്കിൽ കുടുംബാംഗം. മക്കൾ : അനീഷ് മാത്യു (മസ്കറ്റ്), അജേഷ് മാത്യു, അജിമോൾ മാത്യു (കുവൈറ്റ്) . മരുമക്കൾ : അഞ്ജു അന്ന ജോണി ഞരളക്കാട്ട് (ഉടുമ്പന്നൂർ), ഷെറിൻ മാത്യൂസ് പുന്നത്താനം (ഭരണങ്ങാനം), ക്ലിന്റ് കോപ്രത്ത് (വാഴക്കാല).
കരിങ്കുന്നം : വടക്കുംമുറി തെക്കേപറമ്പിൽ ഐപ്പ് ജേക്കബ് ( സണ്ണി-76) നിര്യാതനായി. സംസ്കാരം 06/04/2024 ശനിയാഴ്ച്ച ഉച്ചകഴിഞ്ഞു 2. 30 -നു വസതിയിൽ ആരംഭിച്ച് തൊടുപുഴ സെന്റ് തോമസ് മർത്തോമ്മ പള്ളിയിൽ. ഭാര്യ : ലൈസമ്മ തൊടുപുഴ പനംപേരിൽ കുടുംബാംഗംമക്കൾ : ലീന, സീന, റീന, ജീന.മരുമക്കൾ : ഷിബു, ഷാജി, സണ്ണി, സജി.
മൂവാറ്റുപുഴ : മൂവാറ്റുപുഴയിൽ ആൾക്കൂട്ട മർദ്ദനത്തിൽ അന്യസംസ്ഥാന തൊഴിലാളി മരിച്ച സംഭവത്തിൽ സിപിഐ അസിസ്റ്റന്റ് ലോക്കൽ സെക്രട്ടറിയടക്കം, പത്തുപേരെ പോലിസ് അറസ്റ്റ് ചെയ്തു. ഇവരെ അല്പസമയത്തിനകം കോടതിയിൽ ഹാജരാക്കും. വെസ്റ്റ് ബംഗാൾ സ്വദേശി അശോക് ദാസ് (24) ആണ് മരിച്ചത്. മർദ്ദനത്തെ തുടർന്നാണ് മരണമെന്ന് പ്രാഥമിക വിവരം. വ്യാഴാഴ്ച രാത്രി പതിനൊന്നരയോടെ വാളകം ആയുർവേദ ആശുപത്രിക്ക് സമീപം നാട്ടുകാർ അശോക് ദാസിനെ മരത്തിൽ കെട്ടിയിട്ട് മർദ്ദിക്കുകയായിരുന്നു. പെൺസുഹൃത്തിനെ കാണാനെത്തിയത് ചോദ്യം ചെയ്തതായിരുന്നു മർദനം. തലയ്ക്കും നെഞ്ചിനുമേറ്റ മർദനമാണ്…
ഇടുക്കി : വീട്ടമ്മയെ ആക്രമിച്ച 16 കാരൻ അറസ്റ്റിൽ. ആൺകുട്ടിയുടെ ഫോൺ പരിശോധിച്ച പോലീസുകാർ ഞെട്ടി. ഫോണിൽ നിറയെ അശ്ളീല ചിത്രങ്ങളും വീഡിയോകളും. മുഖത്ത് മുളകുപൊടി എറിഞ്ഞശേഷമായിരുന്നു കൗമാരക്കാരെ വീട്ടമ്മയെ കടന്നുപിടിച്ചത്. കട്ടപ്പനയിലാണ് സംഭവം. വീട്ടമ്മയുടെ പരാതിയിൽ അയൽക്കാരനായ 16 കാരനെ പോലീസ് അറസ്റ്റ് ചെയ്യുകയായിരുന്നു. സംഭവം മോഷണശ്രമമാണെന്നായിരുന്നു തുടക്കത്തിൽ പോലീസിൻ്റെ സംശയം. എന്നാൽ, 16-കാരന്റെ ഫോൺ പരിശോധിച്ചതോടെ ഞെട്ടിക്കുന്ന വിവരങ്ങൾ കണ്ടെത്തുകയായിരുന്നു. ‘അയൽവാസിയായ ആന്റിയെ എങ്ങനെ പീഡിപ്പിക്കാം’ എന്നതുൾപ്പെടെ കൗമാരക്കാരൻ ഇന്റർനെറ്റിൽ തിരഞ്ഞത് അശ്ലീലമായ കാര്യങ്ങൾ…
