വർത്തമാനം

കോട്ടപ്പടി പ്ലാച്ചേരിയിൽ സ്വകാര്യ വ്യക്തിയുടെ കിണറ്റിൽ വീണ കാട്ടാനയെ രക്ഷിക്കാൻ ശ്രമം തുടരുന്നു. പുലർച്ചെ രണ്ടുമണിയോടെ കിണറ്റിൽ വീണ ആനയെ പുറത്തെടുക്കാനുള്ള തീവ്രശ്രമത്തിലാണ് വനംവകുപ്പ് ഉദ്യോഗസ്ഥർ. മണ്ണുമാന്തിയന്ത്രം ഇതുവരെ കിണറ്റിന് അടുത്ത് എത്തിക്കാൻ കഴിഞ്ഞിട്ടില്ല. ഇതോടെ ആനയെ കരയ്ക്ക് എത്തിക്കുന്നത് വൈകിയേക്കുമെന്നാണു വിവരം. ആന കിണറ്റിൽപ്പെട്ടതിനെ തുടർന്ന് നാലുവാർഡുകളിൽ 24 മണിക്കൂർ നിരോധനാജ്ഞ പ്രഖ്യാപിച്ചു. കോതമംഗലം കോട്ടപ്പടി പഞ്ചായത്തിലെ 1,2,3,4 വാർഡുകളിലാണ് നിരോധനാജ്ഞ പ്രഖ്യാപിച്ചത്. ആന കിണറ്റിൽനിന്നും സ്വയം കരകയറാനുള്ള ശ്രമങ്ങളും തുടരുന്നുണ്ട്. കഴിഞ്ഞ 10 മണിക്കൂറോളമായി…

പാല : പാലാ – ഈരാറ്റുപേട്ട റൂട്ടിൽ കീഴമ്പാറ ക്ക് സമീപം ബൈക്കും ടോറസും കൂട്ടി ഇടിച്ചു ബൈക്ക് യാത്രക്കാരൻ മരിച്ചു. ടോറസ് തലയിലൂടെ കയറി ഇറങ്ങി ബൈക്ക് യാത്രക്കാരൻ തൽക്ഷണം മരണപ്പെടുകയായിരുന്നു. പൈക കുമ്പാനി സ്വദേശി ഇമ്മാനുവേൽ (22 വയസ്) ആണ് അപകടത്തിൽ മരിച്ചത്. ഇമ്മാനുവൽ അമ്പാറ പെട്രോൾ പമ്പിലെ ജീവനക്കാരനാണ്.

കൊച്ചി : മൂവാറ്റുപുഴ വാളകത്ത് ആൾക്കൂട്ടത്തിൻ്റെ മർദ്ദനമേറ്റ് കൊല്ലപ്പെട്ട ഇതര സംസ്ഥാന തൊഴിലാളി അശോക് ദാസിന്റെ മൃതദേഹം നാലാം ദിവസവും മോർച്ചറിയിൽ തന്നെ. ഉറ്റബന്ധുക്കൾ എത്താൻ വൈകുന്നതാണ് മൃതദേഹം ഇപ്പോഴും മൂവാറ്റുപുഴ താലൂക്ക് ആശുപത്രിയിലെ മോർച്ചറിയിൽ തുടരാൻ കാരണം. എന്നാൽ സാമ്പത്തിക പരാതീനതകൾ മൂലം കുടുംബത്തിന് എത്താൻ സാധിക്കാതെ വന്നാൽ ഉപജീവനത്തിനെത്തിയ മണ്ണിൽ തന്നെ മൃതദേഹം സംസ്കരിക്കാനുള്ള ആലോചനകളും നടക്കുന്നുണ്ട്. ഈ മാസം അഞ്ചിനു രാത്രിയാണ് മൂവാറ്റുപുഴയിലെ വാളകത്ത് പെൺസുഹൃത്തിനെ കാണാനെത്തിയ അരുണാചൽ പ്രദേശ് സ്വദേശിയായ അശോക്…

കോതമംഗലം : പെയിന്റിംഗിനിടെ വീടിന് മുകളിൽ നിന്നും വീണ് പരിക്കേറ്റ് ചികിത്സയിലായിരുന്ന മധ്യവയസ്കൻ മരിച്ചു. പുതുപ്പാടി പാറപ്പാട്ട് രാജേഷ് (ഉണ്ണി 54) ആണ് മരിച്ചത്. വാരപ്പെട്ടി പഞ്ചായത്തിലെ ഇളങ്ങവത്ത് പെയിന്റിംഗ് ജോലിക്കിടെയായിരുന്നു അപകടം. കഴിഞ്ഞ വെള്ളിയാഴ്ച്ച ആയിരുന്നു അപകടം. മൂവാറ്റുപുഴയിലെ സ്വകാര്യ ആശുപത്രിയിലാണ് ഉണ്ണിയെ ആദ്യം പ്രവേശിപ്പിച്ചത്. നില ഗുരുതരമായതിനാൽ പിന്നീട് കോലഞ്ചേരി മെഡിക്കൽ കോളേജിലേയ്ക്ക് മാറ്റിയിരുന്നു. സംസ്കാരം ഇന്ന്. ഭാര്യ : പ്രിയ, മകൾ : നന്ദന.

ഇടുക്കി : വഴി തർക്കത്തെതുടർന്നുണ്ടായ മൽപ്പിടുത്തതിനിടെ വയോധികൻ മരിച്ചു. ഇടുക്കി മുള്ളരിങ്ങാട് സ്വദേശി പുത്തൻപുരയിൽ സുരേന്ദ്രനാണ് (77) മരിച്ചത്. സംഭവത്തിൽ അയൽവാസിയായ ദേവകി എന്ന സ്ത്രീയെ പോലീസ് കസ്റ്റഡിയിലെടുത്തു. ഇരുവരും തമ്മിലുണ്ടായ മൽപ്പിടുത്തിന് ഇടയിലാണ് മരണം സംഭവിക്കുന്നതെന്ന് പോലീസ് പറഞ്ഞു. പോസ്റ്റ്മോർട്ടത്തിന് ശേഷമെ മരണകാരണം വ്യക്തമാകുവെന്നും പോലീസ് പറഞ്ഞു. വഴി തർക്കവുമായി ബന്ധപ്പെട്ട് ഇരുവരും തമ്മിലുണ്ടായ വാക്കേറ്റം കയ്യാങ്കളിയായി മാറുകയായിരുന്നു. ഇരുവരും തമ്മിലുള്ള അടിപിടിക്കിടെയാണ് വയോധികൻ താഴെ വീഴുന്നത്. സംഭവത്തെക്കുറിച്ച് അന്വേഷിച്ചുവരുകയാണെന്ന് പോലീസ് പറഞ്ഞു.

കോതമംഗലം : കോട്ടപ്പടി നൂലേലിച്ചിറക്ക് സമീപം പെരിയാർവാലി ലോ ലെവൽ കനാലിൽ ഒറീസ സ്വദേശി മുങ്ങിമരിച്ചു. ഒറിസ അജാസ്‌പൂർ സ്വദേശി രജത് ജന (21) ആണ് മരണപ്പെട്ടത്. ഇന്ന് വൈകിട്ടാണ് ദുരന്തം. കോതമംഗലത്തുനിന്നും എത്തിയ അഗ്നി രക്ഷാസേനയുടെ സ്ക്യൂബാ ടീം നടത്തിയ തിരച്ചിലിൽ മൃതദ്ദേഹം കണ്ടെടുത്തു. ഗ്രേഡ് അസ്സി. സ്റ്റേഷൻ ഓഫീസർ എം അനിൽ കുമാറിന്റെ നേതൃത്വത്തിൽ പി.എം റഷീദ്, ബേസിൽ ഷാജി, കെ.എം അഖിൽ, ആർ.എച്ച് വൈശാഖ്, ജലേഷ്‌കുമാർ, രാമചന്ദ്രൻ നായർ എന്നിവർ രക്ഷാപ്രവർത്തനത്തിന് നേതൃത്വം…

മൂവാറ്റുപുഴ : പ്രതീക്ഷകൾ വിഫലമായി കുഞ്ഞ് ഹന ഫാത്തിമ യാത്രയായി. വെള്ളിയാഴ്ച രണ്ടാർക്കരയിൽ മുത്തശ്ശിയുടെ കൂടെ പുഴയിലിറങ്ങി കുളിക്കുന്നതിനിടയിൽ ഒഴുക്കിൽപ്പെട്ടതിനെ തുടർന്ന് കോലഞ്ചേരി മെഡിക്കൽ കോളേജ് ആശുപത്രിയിൽ ചികിത്സയിലിരുന്ന ഹന ഫാത്തിമ (10) ആണ് ഇന്നലെ രാത്രി 8.30 ഓടെ മരിച്ചത്. വെള്ളിയാഴ്‌ച 11 ഓടെ നഗരസഭ പതിനൊന്നാം വാർഡിലെ രണ്ടാർകരയിൽ നെടിയാൻമല കടവിലാണ് അപകടമുണ്ടായത്. കൊച്ചുമക്കളോടൊപ്പം മൂവാറ്റുപ്പുഴയിൽ കുളിക്കാനിറങ്ങിയ മുത്തശ്ശി ആമിന (60) കൊച്ചുമകൾ ഫർഹ ഫാത്തിമ (12) ഉം വെള്ളിയാഴ്ചയുണ്ടായ അപകടത്തിൽ മരിക്കുകയായിരുന്നു. തുണി…

ഇടുക്കി : ഇടുക്കി, ചെറുതോണി ഡാമുകൾ പൊതുജനങ്ങൾക്ക് സന്ദർശനത്തിനായി തുറന്നു കൊടുക്കുന്നതിന് അനുമതി. മെയ് 31 വരെയാണ് അനുമതി. ബുധനാഴ്ചകളിലും വെള്ളം തുറന്നു വിടേണ്ട ദിവസങ്ങളും ഒഴികെയുള്ള ദിനങ്ങളിലായിരിക്കും സന്ദർശനം അനുവദിക്കുക. സെക്യൂരിറ്റി ഗാർഡുകളെ അധികമായി നിയമിച്ച് സിസി ടിവി ക്യാമറ നിരീക്ഷണത്തിലൂടെയും മെറ്റൽ ഡിറ്റക്റ്ററുകളുടെ സഹായത്തോടെയും പ്രവേശനം ക്രമപ്പെടുത്തും. ഗ്രീൻ പ്രോട്ടോക്കോൾ ഉറപ്പാക്കിയാകും സന്ദർശകരെ പ്രവേശിപ്പിക്കുക. ഡാമിന് സമീപം നിർമാണ പ്രവർത്തനങ്ങൾ നടക്കുന്ന സ്ഥലത്ത് ബാരിക്കേഡുകളും മറ്റും ഉപയോഗിച്ചു പ്രവേശനം നിയന്ത്രിക്കണമെന്നും സർക്കാർ ഉത്തരവിൽ പറയുന്നു….

തൊടുപുഴ : അരീക്കുഴ എംവിഐപി കനാലിന്റെ കടവിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു. വഴിത്തല ജോസ് ഡെക്കറേഷൻസ് ഉടമ കുഴികണ്ടത്തിൽ പരേതനായ ബിജുവിന്റെ മകൻ ക്രിസ്ബിൻ (22) ആണ് മരിച്ചത്. ചൊവ്വാഴ്ച്ച രാത്രി ഏഴിന് ശേഷം അരിക്കുഴ പാറക്കടവ് എംവിഐപി കനാലിൻ്റെ കടവിൽ കുളിക്കാനിറങ്ങിയപ്പോഴാണ് അപകടത്തിൽപ്പെട്ടത്. നല്ല ഒഴുക്കും ഒരാൾക്ക് മീതെ വെള്ളവുമുണ്ടായിരുന്നു. ഒഴുക്കിൽ നിലകിട്ടാതെ പോയതാകാം അപകട കാരണമെന്നാണ് പ്രാഥമിക നിഗമനം. കടവിൽനിന്ന് 150 മീറ്ററോളം താഴെനിന്നാണ് മൃതദേഹം ലഭിച്ചതെന്ന് തൊടുപുഴ അഗ്‌നിരക്ഷാ സേന അധികൃതർ പറഞ്ഞു….

കോട്ടയം : പ്രായപൂർത്തിയാകാത്ത വിദ്യാർത്ഥി ഓടിച്ച ബൈക്ക് കാറിൽ ഇടിച്ച് കേടുപാടുകൾ സംഭവിച്ചു. ഒന്നര ലക്ഷം രൂപ നഷ്ടപരിഹാരം നൽകാൻ മോട്ടോർ ആക്‌സിഡന്റ് ട്രൈബ്യൂണലിന്റെ ഉത്തരവ്. 2018 ഒക്ടോബർ 20ന് അരയൻങ്കാവ് സെന്റ് ജോർജ് ആശുപത്രിക്ക് സമീപമായിരുന്നു അപകടമുണ്ടായത്. 17 കാരനായ വിദ്യാർത്ഥി ഓടിച്ച ബൈക്ക് കാറിലേയ്ക്ക് ഇടിച്ചുകയറുകയായിരുന്നു. നിലവിൽ ഇൻഷുറൻസ് കമ്പനിയാണ് കാറിന്റെ ഉടമയ്ക്ക് നഷ്ട‌പരിഹാരം നൽകേണ്ടതെങ്കിലും ഈ തുക ബൈക്ക് ഓടിച്ച വിദ്യാർത്ഥിയുടെ രക്ഷിതാവിൽ നിന്ന് കമ്പിനിക്ക് ഈടാക്കാമെന്ന് ട്രൈബ്യൂണൽ വ്യക്തമാക്കി. ഇൻഷുറൻസ് തുക…