തൊടുപുഴ : കിണർ വൃത്തിയാക്കുന്നതിനിടെ കിണറ്റിൽക്കുടുങ്ങിയ മധ്യവയസ്കന് രക്ഷകരായി തൊടുപുഴ അഗ്നിരക്ഷാ സേന. ഇന്ന് രാവിലെ 8 ഓടെ തൊടുപുഴ മാർക്കറ്റിന് സമീപം മുക്കടം ചേരിയിൽ മേരി മാത്യുവിന്റെ വീട്ടിലെ കിണർ വൃത്തിയാക്കുന്നതിനിടയിൽ മൂവാറ്റുപുഴ കാഞ്ഞാംപുറത്ത് അനിൽകുമാർ കെ.ഡി (52) ആണ് കിണറ്റിൽ കുടുങ്ങിയത്. തുടർന്ന് തൊടുപുഴ അഗ്നിരക്ഷാ സേനയെത്തി അനിൽകുമാറിനെ രക്ഷപ്പെടുത്തുകയായിരുന്നു. 50 അടി താഴ്ചയുള്ള കിണറ്റിൽ ഓക്സിജന്റെ അളവ് കുറഞ്ഞതു മൂലം അനിൽകുമാറിന് ശ്വാസതടസം അനുഭവപ്പെടുകയും കിണറ്റിൽ കുടുങ്ങുകയുമായിരുന്നുവെന്ന് അഗ്നിരക്ഷാ സേനാ ഉദ്യോഗസ്ഥർ പറഞ്ഞു….

പാലാ : കണ്ണാടിയുറുമ്പ് കളപ്പുരക്കൽ തൊട്ടിയിൽ ആശാ സയനൻ (56) നിര്യാതയായി. പാലാ നഗരസഭ 20-ാം വാർഡ് ടൗൺ അങ്കണവാടി ടീച്ചർ ആയിരുന്നു.രണ്ടുദിവസം മുൻപാണ് അപകടം ഉണ്ടായത്. പാലാ മൂന്നാനി ഭാഗത്ത് വെച്ചായിരുന്നു അപകടം. അപകടത്തിൽ ആശയുടെ വാരിയെല്ലുകൾ ഒടിയുകയും ആന്തരിക അവയവങ്ങൾക്ക് ഗുരുതരമായ പരിക്കേൽക്കുകയും ചെയ്തിരുന്നു. മാർ ശ്ലീവ മെഡിസിറ്റിയിൽ ചികിത്സയിരിക്കെയാണ് മരണം സംഭവിച്ചത്. സംസ്കാരം പിന്നീട്.

മലയാളി പ്രേക്ഷകരുടെ ഹിറ്റ് ജോഡിയായ മോഹൻലാലും ശോഭനയും ഒന്നിക്കുന്നുവെന്ന വാർത്ത പ്രേക്ഷകർക്കിടയിൽ വലിയ ചർച്ചയായിരുന്നു. 20 വർഷങ്ങൾക്കു ശേഷമാണ് ഇരുവരും നായികാനായകന്മാരായി എത്തുന്നു എന്നതും വലിയ രീതിയിൽ ചിത്രത്തിന് സ്വീകാര്യത നൽകി. ഇപ്പോൾ സിനിമയുടെ ചിത്രീകരണം ആരംഭിച്ച വിവരം ആരാധകർക്കായി പങ്കുവച്ചിരിക്കുകയാണ് മോഹൻലാൽ. സിനിമയുടെ പൂജയുടെ ചിത്രങ്ങൾ സോഷ്യൽ മീഡിയയിൽ പങ്കുവച്ചിട്ടുണ്ട്. ( Mohanlal and Shobana reunited for L360) മോഹൻലാലിൻ്റെ 360-ാം സിനിമയാണിത്. പുതിയ സിനിമയ്ക്ക് എല്ലാവരുടേയും അനുഗ്രഹം തേടിക്കൊണ്ടാണ് പൂജയുടെ ചിത്രങ്ങൾ മോഹൻലാൽ…

തൊടുപുഴ: മേട മാസത്തിലെ പത്താമുദയത്തോനുബന്ധിച്ച് കാഡ്സിന്റെ നേതൃത്വത്തിൽ നടക്കുന്ന ഗ്രീൻ ഫെസ്റ്റിന് തുടക്കമായി. പി ജെ ജോസഫ് എം.എൽ.എ തിരിതെളിച്ച് ഗ്രീൻ ഫെസ്റ്റ് ഉദ്ഘാടനം ചെയ്തു. കാഡ്സ് ചെയർമാൻ ആന്റണി കണ്ടിരിക്കൽ അധ്യക്ഷത വഹിച്ച യോഗത്തിൽ സൗജന്യ ഇളനീർ തെങ്ങിൻ തൈകളുടെ വിതരണോദ്ഘാടനം മുൻസിപ്പൽ ചെയർമാൻ സനീഷ് ജോർജ് നിർവ്വഹിച്ചു. തരിശായി കിടക്കുന്ന കൃഷിഭൂമി ഏറ്റെടുത്ത് ശാസ്ത്രീയവും വാണിജ്യ പ്രാധാന്യമുള്ളതുമായ കൃഷിയിറക്കുന്ന “ഹരിതം മധുരം” പദ്ധതിയുടെ ഉദ്ഘാടനം ഫാ. സ്റ്റാൻലി കുന്നേൽ നിർവ്വഹിച്ചു. വിവിധ കാർഷിക മേഖലകളിൽ…

തിരുവനന്തപുരം: എസ്എസ്എൽസി, ടിഎച്ച്എസ്എൽസി പരീക്ഷകളുടെ മൂല്യനിർണയം ശനിയാഴ്ച പൂർത്തിയായി. തുടർനടപടി വേഗത്തിൽ പൂർത്തിയാക്കി മെയ് ആദ്യവാരം ഫലം പ്രസിദ്ധീകരിക്കും. കഴിഞ്ഞവർഷം മെയ് 19നായിരുന്നു ഫല പ്രഖ്യാപനം. 70 ക്യാമ്പിലായി ഏപ്രിൽ മൂന്നിനാണ് മൂല്യനിർണയം ആരംഭിച്ചത്. ക്യാമ്പ് ഓഫീസർമാരടക്കം 10,500 അധ്യാപകർ പങ്കെടുത്ത് റെക്കോർഡ് വേഗത്തിലാണ് മൂല്യനിർണയം പൂർത്തിയാക്കിയത്. വിദ്യാർഥികളുടെ ഗ്രേസ് മാർക്ക് എൻട്രി നടന്നുവരികയാണ്. ഹയർസെക്കൻഡറി, വൊക്കേഷണൽ ഹയർസെക്കൻഡറി മൂല്യനിർണം ഒരാഴ്ചയ്ക്കകം പൂർത്തിയാക്കും. 77 ക്യാമ്പുണ്ട്. എസ്എസ്എൽസി ഫലപ്രഖ്യാപനത്തിന് തൊട്ടുപിന്നാലെ ഹയർസെക്കൻഡറി ഫലവും പ്രഖ്യാപിക്കും.

ഈ ഫോട്ടോയിൽ കാണുന്ന ഗോപിക (26) എന്ന യുവതിയെ ശനിയാഴ്ച രാവിലെ മുതൽ കോട്ടയം മുട്ടമ്പലത്തു നിന്നും കാണ്മാനില്ല.കാണാതാവുമ്പോൾ ഇറക്കമുള്ള നേവീ ബ്ലൂ ടോപ്പാണ് ധരിച്ചിരിക്കുന്നത്. കറുത്ത മാസ്കും , കൈയ്യിൽ കറുത്ത ബാഗുമുണ്ട്.എന്തെങ്കിലും വിവരം ലഭിക്കുന്നവർ കോട്ടയം ഈസ്റ്റ് പോലീസ് സ്റ്റേഷനിലോ, 8547857974 എന്ന നമ്പരിൽ അറിയിക്കുവാൻ താത്പര്യപ്പെടുന്നു

മൂവാറ്റുപുഴ:കേന്ദ്ര അഗ്നിരക്ഷാ സേന പ്രഥമ പുരസ്കാരത്തിന് അർഹരായത് എറണാകുളം ജില്ലയിൽ മൂവാറ്റുപുഴ ഫയർസ് സ്റ്റേഷനിലെ രണ്ട് പേർ. കേന്ദ്ര അഗ്നിരക്ഷാ സേനയുടെ ദേശിയ പ്രഥമ പുരസ്കാരങ്ങൾ പ്രഖ്യാപിച്ചപ്പോൾഎറണാകുളം ജില്ലയിലേ രണ്ടുപേർക് പുരസ്‌കാരം ലഭിച്ചു. സംസ്ഥാനത്തു ആകെ ഒമ്പത് പേർക്കാണ് പുരസ്കാരം ലഭിച്ചത്. എറണാകുളം ജില്ലാ ഫയർ ഓഫീസർ ഹരികുമാർ K മുവാറ്റുപുഴ അഗ്നിരക്ഷാ നിലയത്തിലെ സീനിയർ ഫയർ ആൻഡ് റെസ് ഓഫീസർ (ഗ്രേഡ്) സിദ്ധീഖ് ഇസ്മായിൽ എന്നിവർക്കാണ് പുരസ്‌കാരത്തിന് അർഹരായത്. മികച്ച സേവനത്തിനും മേഖലയിലെ സമഗ്ര സംഭവനകൾക്കുമാണ്…

തൊടുപുഴ: ആലക്കോട് മാളിയേക്കൽ ജോയി (72) അന്തരിച്ചു. ഭൗതിക ശരീരം 23.04.2024 ചൊവ്വ രാവിലെ 9ന് തൊടുപുഴ കൈതക്കോടുള്ള വസതിയിൽ കൊണ്ടു വരും. സംസ്‌കാരം 3ന് വസതിയിൽ ശുശ്രൂഷ യ്ക്കു ശേഷം 4ന് കല യന്താനി സെൻ്റ് മേരീ സ് പള്ളിയിൽ. ഭാര്യ: പൂ ഞ്ഞാർ വേലംകുന്നേൽ മേരിക്കുട്ടി ജോയി.

പെരുമ്പാവൂർ: കൈകൾ ബന്ധിച്ച് ഏഴ് കിലോമീറ്റർ വേമ്പനാട്ട് കായൽ നീന്തികടന്ന് 10 വയസുകാരി വൈഗ സുമേഷ്. കുറുപ്പംപടി രായമംഗലം ചിറപ്പടി സുമേഷ് നായരുടെയും നീതുവിന്റെയും മകളും പെരുമ്പാവൂർ വിമല സെൻട്രൽ സ്കൂളിലെ അഞ്ചാം ക്ലാസ് വിദ്യാർഥിനിയുമായ വൈഗ 1.4 മണിക്കൂർകൊണ്ടാണ് നീന്തിക്കടന്നത്. ശനിയാഴ്ച രാവിലെ 8.19ന് ആലപ്പുഴ ജില്ലയിലെ വടക്കുംകര അമ്പലക്കടവിൽനിന്ന് കോട്ടയം ജില്ലയിലെ വൈക്കം ബീച്ച് വരെയുള്ള ഏഴ് കിലോമീറ്റർ നീന്തിയാണ് വേൾഡ് വൈഡ് ബുക്ക് ഓഫ് റിക്കാർഡ്‌സിൽ ഇടംപിടിച്ചിരിക്കുന്നത്. കൈകൾ ബന്ധിച്ച് ഏഴു കിലോമീറ്റർ…

മലപ്പുറം: വണ്ടൂരിൽ സംസ്ഥാനപാതയിൽ സ്വകാര്യ ബസ്സിന് അടിയിൽപ്പെട്ട സ്കൂട്ടർ യാത്രക്കാരി മരിച്ചു. തിരുവാലി തായംകോട് കുരുക്കൾ ഹുദ(24) ആണ് മരിച്ചത്.ഒപ്പം ഉണ്ടായിരുന്ന 2 പേർ പരിക്കുകളോടെ രക്ഷപ്പെട്ടു.ഇന്ന് രാവിലെ 10 മണിക്ക് വണ്ടൂർ മുക്കടത്താണ് ഓട്ടോറിക്ഷയെ മറികടക്കാൻ ശ്രമിക്കവേ കാർ സ്കൂട്ടറിൽ തട്ടി അപകടമുണ്ടായത്. നിയന്ത്രണം തെറ്റിയ വാഹനത്തിൽ നിന്നും തെറിച്ച് വീണ ഹുദയുടെ തലയിലൂടെ പാണ്ടിക്കാട് നിന്ന് നിലമ്പൂരിലേക്ക് പോവുകയായിരുന്ന സ്വകാര്യ ബസ് കയറിയിറങ്ങുകയായിരുന്നു. മൃതദേഹം നിലമ്പൂർ ജില്ലാ ആശുപത്രി മോർച്ചറിയിൽ. മേൽ നടപടികൾക്ക് ശേഷം…