വയനാട്: ചൂരൽമലയിലെ പഴയ ഉരുൾപൊട്ടലിന്റെയും പുതിയ ഉരുൾപൊട്ടലിന്റെയും റിമോട്ട് സെൻസിങ് ചിത്രം പുറത്തുവിട്ട് ഐ.എസ്.ആർ.ഒ. കാർട്ടോസാറ്റ്-3, റിസാറ്റ് ഉപഗ്രഹങ്ങൾ ആണ് ചിത്രങ്ങൾ പകർത്തിയത്. 86,000 ച. മീറ്റർ പ്രദേശം ഉരുൾ പൊട്ടലിൽ തകർന്നു എന്ന് ഉപഗ്രഹ ചിത്രങ്ങളിൽ വ്യക്തമാക്കുന്നു.8 കിലോമീറ്റർ അകലെ വരെ ചളിയും മണ്ണും പാറക്കൂട്ടങ്ങളും മരങ്ങളുടെ അവശിഷ്ടങ്ങളും ഒഴുകിയെത്തി. ഹൈദരാബാദിലെ നാഷണൽ റിമോട്ട് സെൻസിംഗ് സെൻറർ (The National Remote Sensing Center (NRSC)) ആണ് ഐ.എസ്.ആർ.ഒയുടെ ഉപഗ്രഹങ്ങൾ പകർത്തിയ ചിത്രങ്ങൾ പുറത്തുവിട്ടത്. ഭൗമോപരിതലത്തിലെ…

ഇടുക്കി: ശാന്തൻപാറ പള്ളിക്കുന്നിൽ മരത്തിൽ നിന്ന് വീണ് മധ്യവയസ്‌കൻ മരിച്ചു. പള്ളിക്കുന്ന് കവിതാഭവനിൽ ദുരൈ (55) ആണ് മരിച്ചത്. ഏലത്തോട്ടത്തിലെ മരത്തിന്റെ ശിഖരം മുറിക്കുന്നതിനിടെയാണ് അപകടം. ഗുരുതര പരിക്കേറ്റ ദുരൈ തൽക്ഷണം മരിച്ചു. മൃതദേഹം അടിമാലി താലൂക്ക് ആശുപത്രിയിലേക്ക് മാറ്റി. പോസ്റ്റ്മോർട്ടം നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുകൊടുക്കും.

കൊച്ചി : അടിയന്തിര സാഹചര്യങ്ങളിൽ ആംബുലൻസ് സേവനം പോലും ലഭ്യമാക്കാനാവുന്നില്ല കഴിഞ്ഞ ദിവസം രോഗിയുമായി എത്തിയ ആംബുലൻസ് റോഡിൽ കുടുങ്ങി പഞ്ചായത്തിന്റെയും റവന്യൂ വകുപ്പിന്റെയും നാട്ടുകാരുടെയും നേതൃത്വത്തിൽ ഗതാഗതം പുനസ്ഥാപിയ്ക്കാനുള്ള പ്രവർത്തനങ്ങൾ പുരോഗമിയ്ക്കുകയാണ്.നായയുടെ കടിയേറ്റ കുട്ടിയെ ആശുപത്രിയിലേയ്ക് കൊണ്ടുവരുന്നതിനിടെയാണ് ആംബുലൻസ് റോഡിൽ കുടുങ്ങിയത്. പിന്നീട് എതിർ ഭാഗത്ത്‌ കിടന്നിരുന്ന മറ്റൊരു ജീപ്പിൽ കുട്ടിയെ ആശുപത്രിയിൽ എത്തിച്ച് വാക്സിൻ നൽകി. രണ്ട് ദിവസം റോഡിൽ കിടക്കുകയായിരുന്ന ആംബുലൻസ് കെട്ടിവലിച്ചു മാറ്റുകയായിരുന്നു. കഴിഞ്ഞ ദിവസങ്ങളിൽ പെയ്ത കനത്ത മഴയെ തുടർന്ന്…

ഇടുക്കി: കട്ടപ്പന കല്യാണത്തണ്ടിൽ ഓട്ടോറിക്ഷ മറിഞ്ഞ് ഗൃഹനാഥൻ മരിച്ചു. കല്യാണത്തണ്ട് സ്വദേശി മേച്ചേരിയിൽ എം എസ് രാജൻ (62)നാണ് മരിച്ചത്. വെള്ളിയാഴ്‌ച പുലർച്ചെ 5.30ഓടെ കല്യാണതണ്ട് കയറ്റത്തിൽ വച്ച് നിയന്ത്രണം നഷ്‌ടമായ ഓട്ടോറിക്ഷ മറിയുകയായിരുന്നു. പ്രദേശവാസികൾ ഇദ്ദേഹത്തെ കട്ടപ്പനയിലെ സ്വകാര്യ ആശുപത്രിയിൽ എത്തിച്ചെങ്കിലും വെള്ളിയാഴ്ച‌ രാത്രിയോടെ മരണം സംഭവിച്ചു. ഭാര്യ പ്രസന്നകുമാരി, മക്കൾ അഞ്ചു, അരുൺ, കിരൺ. ഒരുമാസം മുമ്പ് ലോഡുമായെത്തിയ ലോറി അപകടത്തിൽപ്പെട്ടിരുന്നു. ഒരു വർഷത്തിനിടയിൽ നാലോളം അപകടങ്ങളാണ് കല്യാണത്തണ്ട് കയറ്റത്തിൽ ഉണ്ടായത്. ചെങ്കുത്തായ കയറ്റവും…

കോട്ടയം: സംസ്ഥാനത്തു 14 വയസിനു മുകളിലുള്ളവരെ ഡിജിറ്റൽ സാക്ഷരതയിലേക്ക് കൊണ്ടുവരുന്ന ‘ഡിജികേരളം’ പദ്ധതിയുടെ കോട്ടയം ജില്ലയിലെ പരിശീലന പരിപാടി ജില്ലാ പഞ്ചായത്ത് പ്രസിഡന്റ് കെ.വി ബിന്ദു കുമരകം ഗ്രാമപഞ്ചായത്തിൽ ഉദ്ഘാടനം ചെയ്തു.സ്മാർട്ട് ഫോൺ ഓൺ ആക്കാനും ഓഫാക്കാനും അറിയുക, സോഷ്യൽ മീഡിയ ആപ്ലിക്കേഷൻ ഉപയോഗിക്കാൻ പ്രാപ്തമാക്കുക, ഇന്റർനെറ്റിൽ വിവരങ്ങൾ തിരയുക, കേന്ദ്ര സംസ്ഥാന സർക്കാരുകളുടെ വിവിധ ഓൺലൈൻ സേവനങ്ങൾ, ഗ്യാസ് ബുക്കിംഗ്, വീഡിയോ കോൺഫറൻസ് ആപ്ലിക്കഷേൻ, വൈദ്യുതി, വാട്ടർബില്ലുകൾ ഓൺലൈനായി അടക്കൽ തുടങ്ങിയ പരിശീലനമാണ് പദ്ധതി ലക്ഷ്യമിടുന്നത്.കുടുംബശ്രീ,…

മേപ്പാടി: ഉരുൾപൊട്ടലിൽ തകർന്നടിഞ്ഞ വയനാട് മുണ്ടക്കൈ ചൂരൽമലയിൽ നടൻ മോഹൻലാൽ എത്തി. ലെഫ്റ്റനന്റ് കേണൽ കൂടിയായ മോഹൻലാൽ സൈനികര്‍ക്കൊപ്പമാണ് എത്തിയത്. ആർമി ക്യാമ്പിലെത്തിയ മോഹൻലാൽ രക്ഷാപ്രവർത്തനത്തിൽ പങ്കെടുക്കും. നേരത്തെ മുഖ്യമന്ത്രിയുടെ ദുരിതാശ്വാസ നിധിയിലേക്ക് 25 ലക്ഷം രൂപ താരം സംഭാവന ചെയ്തിരുന്നു. മോഹൻലാൽ സമൂഹ മാധ്യമത്തിൽ പങ്കുവെച്ച വെെകാരികമായ കുറിപ്പും ഏറെ ശ്രദ്ധനേടിയിരുന്നു. മുൻപും ഐക്യത്തോടെയും ഒരുമയോടെയും ദുരിതങ്ങളെ നേരിട്ടുള്ള നാടാണ് കേരളം എന്നും ഇതും നമ്മൾ മറികടക്കുമെന്നുമാണ് മോഹൻലാൽ കുറിച്ചത്. ദുരന്തമേഖലയിൽ രക്ഷാപ്രവർത്തനത്തിൽ ഏർപ്പെട്ടിരിക്കുന്ന ഓരോ…

കട്ടപ്പന,കോഴിമല,ഏലത്തോട്ടങ്ങളിൽ നിന്നും ഏലത്തട്ട മോഷണവും ശരം, ചെത്തും വ്യാപകമായിരുന്നു, കഴിഞ്ഞ മാസം – 11ാം തിയതി ഞായറാഴ്ച പകൽ 11 മണിയോടുകൂടി കോഴിമല മുരിക്കാട്ടുകൂടിയിൽ ലാലിച്ചൻ എന്നയാളുടെ പാട്ടത്തിനു കൊടുത്തിരിക്കുന്ന ഏലത്തോട്ടത്തിൽ നിന്നുമാണ്,തട്ടയും ശരവും മോഷണം പോയത് ഏകദേശം മൂന്ന് ലക്ഷം രൂപയ്ക്ക് മുകളിൽ.. നഷ്ടമുണ്ടായതായി.തോട്ട ഉടമ പറഞ്ഞു ഞായറാഴ്ച പകൽ 11 മണിയോടുകൂടി തോട്ടം ഉടമ കാട്ടിൽ എത്തിയപ്പോൾ കണ്ടാലറിയാവുന്ന മൂന്ന് വ്യക്തികൾ വെട്ടിയെടുത്ത തട്ടയും ശരവുമായി ഓടുന്നതാണ് കണ്ടത് തോട്ട ഉടമ കട്ടപ്പന പോലീസ്…

കോതമംഗലം : നീണ്ടപാറക്ക് സമീപം നാഷ്ണൽ പെർമിറ്റ് ലോറി നിയന്ത്രണംവിട്ട് വീടിനു മുകളിൽ പതിച്ചു. ഇടശ്ശേരി വർഗീസിൻ്റെ വീടിന് മുകളിലേക്കാണ് ലോറി പതിച്ചത്.നേര്യമംഗലം – നീണ്ടപാറ റോഡിൽ ഡബിൾ കുരിശിന് താഴെ ഇടുക്കി ഭാഗത്തേക്ക് പോകുകയായിരുന്ന നാഷണൽ പെർമിറ്റ് ലോറിയാണ് റോഡിന് സമീപത്തെ വീടിന് മുകളിൽ പതിച്ചത്. ഇന്നലെ ഉച്ചക്ക് 12 ഓടെയായിരുന്നു അപകടം.മറ്റൊരു വാഹനത്തിന് സൈഡ് കൊടുക്കവെ നിയന്ത്രണം വിട്ട് റോഡിൻ്റെ ഓരത്തെ ബാരിക്കേഡ് ഇടിച്ച് തകർത്ത് പത്തടി താഴ്ചയിലിരിക്കുന്ന വീടിന്റെ മുകളിലേക്ക് പതിക്കുകയായിരുന്നു. ലോറി…

വണ്ണപ്പുറം : മുള്ളരിങ്ങാട് അമായൽതൊട്ടി പാലത്തിന്റെ സംരക്ഷണ ഭിത്തി ഇടിഞ്ഞ് വീണു. മുള്ളരിങ്ങാട് ലൂർദ് മാതാ പള്ളിയ്ക്ക് സമീപത്തായാണ് പാലം സ്ഥിതി ചെയ്യുന്നത്. നിത്യേന നിരവധി പേരാണ് മുള്ളരിങ്ങാട് നിന്ന് പാലം കടന്ന് അമയൽതൊട്ടി ഭാഗത്തേയ്ക്ക് പോകുന്നത്. പാലത്തിലൂടെ ഭാരവാഹനങ്ങൾ അല്ലാത്തവ കടന്ന് പോയിരുന്നു. ഇന്നലെ വൈകിട്ടാണ് പാലത്തോട് ചേർന്ന സംരക്ഷഭിത്തിയുൾപ്പെടെയുള്ള പുഴയോരം ഇടിഞ്ഞത്. തുടർന്ന് വാഹനങ്ങൾ പോലും കടന്ന് പോകുന്നത് അപകട ഭീഷണിയിലായി. ഇടിഞ്ഞ ഭാഗത്തിന്റെ മറുഭാഗത്ത് കൂടിയാണ് കാൽനട യാത്രക്കാർ സഞ്ചരിക്കുന്നത്. സംരക്ഷണ ഭിത്തി…