ഇടുക്കി: ഇടുക്കി നെടുംങ്കണ്ടത്ത് ജപ്തി നടപടിക്കിടെ വീട്ടുടമയായ സ്ത്രീ ദേഹത്ത് പെട്രോൾ ഒഴിച്ച് തീകൊളുത്തി ജീവനൊടുക്കാൻ ശ്രമിച്ചു. സംഭവത്തെതുടർന്ന് ഗുരുതരമായി പൊള്ളലേറ്റ ആശാരിക്കണ്ടം സ്വദേശി ഷീബ ദിലീപിനെ ആശുപത്രിയിൽ പ്രവേശിപ്പിച്ചു. ഷീബ തീകൊളുത്തിയത് കണ്ട് രക്ഷിക്കാനെത്തിയ എസ് ഐ ക്കും വനിത പൊലീസിനു പൊള്ളലേറ്റു. സംഭവം നടക്കുമ്പോൾ സ്ഥലത്തുണ്ടായിരുന്ന ഗ്രേഡ് എസ്ഐ ബിനോയി, വനിത സിവിൽ ഓഫീസർ അമ്പിളി എന്നിവർക്കാണ് പൊള്ളലേറ്റത്.

തൊടുപുഴ : കരിങ്കുന്നം ഇല്ലിചാരി മേഖലയിൽ വളർത്തുമൃഗങ്ങളെ അഞ്ജാതജീവി ആക്രമിച്ചതായും, ചില മൃഗങ്ങളെ കൊന്നതായും കാണപ്പെട്ടതിനെത്തുടർന്ന് പ്രദേശവാസികളുടെ ആവശ്യപ്രകാരം വനം വകുപ്പ് ഈ മേഖലകളിൽ നിരീക്ഷണ ക്യാമറകൾ സ്ഥാപിക്കുകയുണ്ടായി. ഇത്തരത്തിൽ സ്ഥാപിച്ച ക്യാമറിയിലാണ് പുലി സഞ്ചരിക്കുന്ന ദൃശ്യങ്ങൾ പതിഞ്ഞിട്ടുള്ളത്. മേഖലയിലെ ആളുകൾ കൂടുതൽ ശ്രദ്ധ ചെലുത്തണമെന്നും, അസമയങ്ങളിലെ സഞ്ചാരം ഒഴിവാക്കണമെന്നും അധികൃതർ അറിയിപ്പ് നൽകി. കഴിഞ്ഞ ദിവസം മുട്ടം ഭാഗത്തും അഞ്ജാതജീവി ആക്രമണം ഉണ്ടായതായി കാണപ്പെട്ടതിനെത്തുടർന്ന് ഇതേ പുലി തന്നെയാകാം അടുത്തടുത്ത പ്രദേശങ്ങളിൽ ആക്രമണം നടത്തിയിരിക്കുക എന്ന…

പുളിക്കൽകവല: വടക്കേത്ത് വി.ജെ. മത്തായി (88) (റിട്ടയേർഡ് ഹെൽത്ത് ഇൻസ്പെക്ടർ) നിര്യാതനായി. സംസ്‌കാരം ഇന്ന് (19-04-2024) 3 മണിക്ക് ഭവനത്തിലെ ശുശ്രൂഷകൾക്ക് ശേഷം പുളിക്കൽ കവല സെന്റ് മേരീസ് കത്തോലിക്കാ പള്ളി കുടുംബക്കല്ലറയിൽ.

കട്ടപ്പന: കട്ടപ്പനയിലെ ഇരട്ട കൊലപാതകം തെളിയിച്ച കട്ടപ്പനഎസ് ഐ സുനേഖ് എൻ ജെ-ക്ക് മികച്ച അന്വേഷണ മികവിനുള്ള അംഗികാരം. ഒരു മോഷണ കേസിൽ ഒതുങ്ങേണ്ട കേസ് എസ്.ഐ സുനേഖിന്റെ അന്വേഷണ മികവിലാണ് രണ്ടു കൊലപാതകങ്ങൾ തെളിഞ്ഞതും മൂന്ന് പ്രതികൾ പിടിയിലായതും. കേരളത്തെ ഞെട്ടിച്ച കൊലപാതകം സുനേഖിന് തോന്നിയ സംശയങ്ങളിലൂടെയാണ് തെളിഞ്ഞത്. മികച്ച അന്വേഷണാത്മക മികവിനുള്ള അംഗികാരമാണ് ഇടുക്കി SP വിഷ്ണു പ്രദീപ് IPS സുനേഖിന് നൽകിയത്.

തട്ടക്കുഴ : തെറ്റാലിൽ ഐസക് (63) (കുഞ്ഞ് ഇത്തക്ക് ) നിര്യാതനായി. സംസ്ക്കാര ശുശ്രുഷ (17-4-24 ) ബുധനാഴ്ച്ച രാവിലെ 11 മണിക്ക് പന്നൂർ സെൻ്റ ജോൺസ് യാക്കോബായ സുറിയാനി പള്ളിയിൽ . ഭാര്യ : മേരി (അമയപ്ര പുറ്റാനിയിൽ കുടുംബാംഗം).മക്കൾ : സേനബി ,സോജൻമരുമക്കൾ : രേഷ്മ , അനശ്വര

മൂന്നാർ : ഒരുമാസം മുമ്പ് കുളിക്കാൻ വച്ചിരുന്ന ചൂടുവെള്ളത്തിൽ വീണ് 5 വയസുകാരിയ്ക്ക് പൊള്ളലേൽക്കുകയും, കുട്ടിയെ കോട്ടയം മെഡിക്കൽ കേളേജിലെ ചികത്സയ്ക്കുശേഷം വിട്ടയയ്ക്കുകയും ചെയ്തിരുന്നു. എന്നാൽ വീട്ടിൽ കഴിയവെ കുട്ടിയുടെ മരണം സംഭവിച്ചതും. മറ്റ് നടപടികൾ ഒന്നും പൂർത്തിയാക്കാതെ സംസ്‌കാരം നടത്താൻ വീട്ടുകാർ നീക്കം നടത്തുന്നതായി അറിഞ്ഞതിന് പിന്നാലെ പോലീസ് ഇടപെടൽ. നല്ലതണ്ണിയിലെ രമേശ് – ദിവ്യ ദമ്പതികളുടെ മകൾ ശ്വേതയുടെ സംസ്‌കാരം തടഞ്ഞ സംഭവത്തിൽ പോലീസ് വിശദീകരണം ഇങ്ങിനെ. ശ്വാസം മുട്ടൽ അനുഭപ്പെട്ടതിനെത്തുടർന്ന് ഉറ്റവർ തിങ്കളാഴ്ച…

തൊടുപുഴ : പുതുപ്പരിയാരം കനാലിൽ കുളിക്കാനിറങ്ങിയ യുവാവ് മുങ്ങിമരിച്ചു. തട്ടക്കുഴ ഓലിയ്ക്കാമറ്റം മഠത്തിൽ അഖിൽ ചന്ദ്രനാണ് (30) മരിച്ചത്. ഇന്ന് വൈകിട്ട് 5.30 ഓടെയായിരുന്നു അപകടം. അമരംകാവിന് താഴെ പുളിഞ്ചോട് കടവിൽ മറ്റ് രണ്ട് സുഹൃത്തുക്കൾക്കൊപ്പം കുളിക്കാനെത്തിയതായിരുന്നു അഖിൽ. ഇതിനിടെ അഖിൽ ഒഴുക്കിൽപ്പെടുകയായിരുന്നു. മറ്റൊരു കടവിൽ കുളിക്കാനെത്തിയവർ ചേർന്നാണ് അഖിലിനെ കരയ്ക്കെത്തിച്ചത്. തുടർന്ന് തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരണപ്പെടുകയായിരുന്നു. പാലായിൽ ഈവന്റ് മാനേജ് സ്ഥാപനം നടത്തുകയാണ് അഖിൽ. തൊടുപുഴ ജില്ലാ ആശുപത്രിയിൽ സൂക്ഷിച്ചിരിക്കുന്ന മൃതദേഹം പോസ്റ്റുമോർട്ടത്തിന്…

പത്തനംതിട്ട : ശബരിമലയിൽ അനധികൃത നെയ് വിൽപ്പന നടത്തിയ കീഴ്ശാന്തി ദേവസ്വം വിജിലൻസിന്റെ പിടിയിൽ. ചെറായി സ്വദേശി മനോജിന്റെ പക്കൽ നിന്നും 14565 രൂപ കണ്ടെത്തി. പടിഞ്ഞാറെ നടയിലെ നെയ് എക്സ്ചേഞ്ച് കൗണ്ടറിലാണ് ഇയാൾ ജോലിക്ക് നിയോഗിക്കപ്പെട്ടിരുന്നത്. തുടർനടപടികൾക്ക് എക്സിക്യൂട്ടീവ് ഓഫീസർ പമ്പ പൊലീസിനെ സമീപിച്ചു. ടെമ്പിൾ സ്പെഷ്യൽ ഓഫീസറുടെയും, ദേവസ്വം വിജിലൻസ് & സെക്യൂരിറ്റി വിഭാഗത്തിന്റെയും മിന്നൽ പരിശോധനയിലാണ് ഇയാൾ പിടിയിലായത്. അനധികൃതമായി തീർത്ഥാടകർക്ക് നെയ് വിൽപ്പന നടത്തി എന്നാണ് കണ്ടെത്തൽ. ഭക്തരിൽ നിന്ന് സമാഹരിച്ച്…

തിരുവനന്തപുരം: കേരളത്തിൽ കാലവർഷം മെയ് അവസാനത്തോടെ എത്തുമെന്ന് കേന്ദ്ര കാലാവസ്ഥാ വകുപ്പ്. രാജ്യത്തിന്റെ മിക്കഭാഗങ്ങളിലും മൺസൂണിൽ സാധാരണയിൽ കവിഞ്ഞ മഴ ലഭിക്കുമെന്നാണ് പ്രവചനം. ജൂൺ മുതൽ സെപ്റ്റംബർ വരെ 87 സെന്റിമീറ്റർ മഴ ലഭിച്ചേക്കുമെന്നാണ് കണക്കുകൂട്ടൽ. സാധാരണയായി മൺസൂൺ ജൂൺ ഒന്നിന് സംസ്ഥാനത്തിൻ്റെ തെക്കേ അറ്റത്ത് എത്തുകയും സെപ്റ്റംബർ പകുതിയോടെ പിൻവാങ്ങുകയുമാണ് പതിവ്. ഈ വർഷം മൺസൂൺ ദീർഘകാല ശരാശരിയുടെ 106 ശതമാനം ആയിരിക്കുമെന്ന് പ്രതീക്ഷിക്കുന്നതായി ഭൗമശാസ്ത്ര മന്ത്രാലയം സെക്രട്ടറി എം രവിചന്ദ്രൻ പറഞ്ഞു.

തൊടുപുഴ: കടുത്ത വേനൽചൂടും, തിരഞ്ഞെടുപ്പും പ്രമാണിച്ച് അന്യസംസ്ഥാന തൊഴിലാളികൾ കൂട്ടത്തോടെ നാട്ടിലേയ്ക്ക് പോകുമ്പോൾ ജില്ലയിലെ തോട്ടംമേഖലയടക്കമുള്ള വിവിധ തൊഴിലിടങ്ങൾ പ്രതിസന്ധിയിൽ. തേയില, ഏലം തോട്ടങ്ങൾ, പൈനാപ്പിൾ കൃഷി, ചെറുകിട കമ്പനികൾ, കെട്ടിട നിർമ്മാണ മേഖല, ഹോട്ടൽ, റസ്റ്റോന്റുകൾ എന്നിവിടങ്ങളിൽ ആവശ്യത്തിന് ആളെ കിട്ടാത്ത അവസ്ഥയുണ്ട്. അസം, ബംഗാൾ, ബീഹാർ എന്നീ സംസ്ഥാനങ്ങളിൽ നിന്നുള്ളവരാണ് പോകുന്നതിലധികവും. വോട്ട് ചെയ്യാനെത്തണമെന്ന് മുന്നണികൾ കർശന നിർദ്ദേശം നൽകിയതിനെ തുടർന്നാണ് ഇവർ നാട്ടിലേയ്ക്ക് പോകുന്നത്. വോട്ട് ചെയ്യാനെത്തിയില്ലെങ്കിൽ റേഷൻ കാർഡിൽ നിന്ന് പേരൊഴിവാക്കുമെന്ന്…