LOCAL

ഇടുക്കി: പാചകത്തിനിടെ ഗ്യാസ് സിലിണ്ടറിൽ നിന്നും തീ പടര്‍ന്ന് നാല് പേര്‍ക്ക് പൊള്ളലേറ്റു.തോക്കുപാറ സൗഹൃദഗിരിയില്‍ പ്രവര്‍ത്തിക്കുന്ന കാറ്ററിം​ഗ് യൂണിറ്റില്‍ പാചകത്തിനിടെയാണ് ഗ്യാസ് കുറ്റിയില്‍ തീ പടര്‍ന്ന് പൊള്ളലേറ്റത്. തോക്കുപാറ സ്വദേശികളായ ജോയി, ജോമോന്‍, അഖില, അന്നമ്മ എന്നിവര്‍ക്കാണ് പൊള്ളലേറ്റത്. പാചകത്തിനിടെ ഗ്യാസ് സിലിണ്ടറിൽ തീ പിടിക്കുകയും തുടർന്ന് ആളിപ്പടരുകയുമായിരുന്നു. സമീപത്ത് ഉണ്ടായിരുന്നവര്‍ ഉടന്‍ തീ അണച്ചതിനാൽ വലിയ ദുരന്തം ഒഴിവായി. സംഭവസ്ഥലത്ത് ഉണ്ടായിരുന്ന നാല് പേരുടെയും ശരീരത്തില്‍ പൊള്ളലേറ്റു. പരിക്കേറ്റ നാല് പേരെയും ഉടന്‍ അടിമാലി താലൂക്ക്…

ഇടുക്കി : ഒറ്റ ദിവസത്തിനുള്ളിൽ ഇരട്ട ബംപറടിച്ച സന്തോഷമാണ് ഇടുക്കി കാൽവരിമൗണ്ട് സ്വദേശിനി ദേവപ്രിയ ഷൈബുവിന്. ആദ്യമായിറങ്ങിയ സംസ്ഥ‌ാന സ്‌കൂൾ കായികമേളയിൽ സ്വർണം സ്വന്തമാക്കി. ഒപ്പം ചേച്ചിയോടുള്ള പന്തയത്തിൽ വിജയിച്ച് ഒരു വാച്ചും ഉറപ്പാക്കി. സബ്ജൂനിയർ പെൺകുട്ടികളുടെ 100 മീറ്ററിലെ ദേവപ്രിയയുടെ വിജയത്തിന് പിന്നിൽ രസകരമായ ഒരു പന്തയത്തിന്റെ കഥകൂടിയുണ്ട്. ദേവപ്രിയയെക്കാൾ നേരത്തെ അത്ലറ്റിക്സിലേക്കെത്തിയത് പ്രായത്തിൽ ഒരു വയസ്സിനു മുന്നിലുള്ള ദേവനന്ദ ഷൈബുവാണ്. 2022ലെ സംസ്ഥ‌ാന മീറ്റിൽ ഹൈജംപിൽ വെങ്കലം നേടിയ ദേവനന്ദയാണ് സംസ്ഥ‌ാന മെഡൽ ആദ്യമായി…

തൊടുപുഴ: ഭാരതീയ വിദ്യാനികേതൻ ഇടുക്കി ജില്ലാ കലോത്സവത്തിന്റെ ലോഗോ പ്രകാശനം നടത്തി. തൊടുപുഴ സരസ്വതി വിദ്യാഭവൻ സെൻട്രൽ സ്കൂ‌ൾ ഓഡിറ്റോറിയത്തിൽ നടത്തിയ ചടങ്ങിൽ മുൻ എയർ വൈസ് മാർഷൽ ടി.എൻ.അജിത്‌കുമാർ ലോഗോ പ്രകാശനം ചെയ്‌തു. തൊടുപുഴ സരസ്വതി വിദ്യാഭവൻ സെൻട്രൽ സ്‌കൂളിൽ നവംബർ 30ന് നടക്കുന്ന കലോത്സവത്തിൽ ഇടുക്കി ജില്ലയിലെ 12 സ്‌കൂളുകളാണ് പങ്കെടുക്കുന്നത്. ‘തൗര്യത്രികം 24’എന്ന് പേരിട്ടിരിക്കുന്ന കലോത്സവം സ്‌കൂളിലെ ആറുവേദികളിലായിട്ടാണ് നടക്കുക. കലോത്സവത്തിനുള്ള ഒരുക്കങ്ങളെല്ലാം സ്‌കൂളിൽ നടന്നുവരികയാണ്. ലോഗോ പ്രകാശന ചടങ്ങിൽ ഭാരതീയ വിദ്യാനികേതൻ…

മൂലമറ്റം: മലങ്കര ജലാശയത്തിൽ അഗ്നിരക്ഷാസേന സ്കൂബ സംഘം സിവിൽ ഡിഫൻസ് അംഗങ്ങൾക്കും സേനാം ഗങ്ങൾക്കുമായി പരിശീലനം സംഘടിപ്പിച്ചു. കുടയത്തൂരിൽ മന്ത്രി റോഷി അഗസ്റ്റിൻ ഉദ്ഘാടനംചെയ്തു. 100 അടി താഴ്ചയിൽ വരെ മുങ്ങി കഴിവ് തെളിയിച്ച സ്കൂബ ഡൈവിങ് വിദഗ്ധരാണ് പരിശീലനം നൽകിയത്. ജലാശയത്തിലും പുഴകളിലും ഉണ്ടാവുന്ന അപകടങ്ങളുമായി ബന്ധപ്പെട്ട് പൊതുജനങ്ങൾക്ക് ബോധവൽക്കരണവും സേനാംഗങ്ങൾക്ക് പരിശീലനവും നൽകുകയായിരുന്നു ലക്ഷ്യം. അഞ്ച് ഡിങ്കി ബോട്ടുകളാണ് പരിശീലനത്തിന് ക്രമീകരിച്ചത്. ജില്ലയിലെ ഏഴ് അഗ്നിരക്ഷ നിലയങ്ങളിലെ ഉദ്യോഗസ്ഥരും സിവിൽ ഡിഫൻസ് അംഗങ്ങളും പങ്കെടുത്തു….

കട്ടപ്പന : ഭാരതീയ ചികിത്സ വകുപ്പ്, നാഷണൽ ആയുഷ് മിഷൻ, കട്ടപ്പന നഗരസഭ, വണ്ടൻമേട് ഗ്രാമ പഞ്ചായത്ത് എന്നിവയുടെ സംയുക്ത ആഭിമുഖ്യത്തിലാണ് പ്രതീക്ഷാഭവനിൽ ദേശീയ ആയുർവ്വേദ വാരാചരണത്തിൻ്റെ ഭാഗമായി മെഡിക്കൽ ക്യാമ്പ് സംഘടിപ്പിച്ചത്. മെഡിക്കൽ ക്യാമ്പ്, ജീവിത ശൈലി രോഗ നിർണയ സ്ക്രീനിംഗ്, കിടപ്പ് രോഗികൾക്കുള്ള പ്രത്യേക ചികിത്സകൾ, ബോധവത്ക്കരണ ക്ലാസ് എന്നിവയാണ് നടന്നത്. നഗരസഭ ചെയർ പേഴ്‌സൺ ബീനാ ടോമി ക്യാമ്പ് ഉദ്ഘാടനം ചെയ്തു. ആരോഗ്യ സ്റ്റാന്റിംഗ് കമ്മറ്റി ചെയർ പേഴ്‌സൺ ലീലാമ്മ ബേബി അദ്ധ്യക്ഷത…

ഇടുക്കി : മണ്ഡല – മകരവിളക്ക് സീസൺ അടുത്തെത്തിയതോടെവണ്ടിപ്പെരിയാർ സത്രം – പുല്ലുമേട് പരമ്പരാഗത കാനനപാതയിൽ അടിസ്‌ഥാന സൗകര്യങ്ങളൊരുക്കാൻ വനംവകുപ്പ് നടപടി തുടങ്ങി. കാനനപാത തെളിക്കുന്ന ജോലികളാണ് ഇപ്പോൾ പുരോഗമിക്കുന്നത്. സത്രത്തിൽ നിന്നു 12 കിലോമീറ്റർ വനത്തിലൂടെ യാത്ര ചെയ്തു വേണം സന്നിധാനത്തെത്താൻ. കാനനപാതയുടെ ഇരുവശത്തും വളർന്നു നിൽക്കുന്ന കാട്ടുചെടികളാണ് ഇപ്പോൾ വെട്ടിത്തെളിക്കുന്നത്. പെരിയാർ കടുവ സങ്കേതം വെസ്‌റ്റ് ഡപ്യൂട്ടി ഡയറക്‌ടർ എസ്. സന്ദീപിൻ്റെ മേൽനോട്ടത്തിലാണ് പ്രവൃത്തി പുരോഗമിക്കുന്നത്.അയ്യപ്പഭക്‌തർ എത്തുന്നതോടെ കാനനപാതയിൽ അര കിലോമീറ്റർ ഇടവിട്ട് ശുദ്ധജലം…

ഇടുക്കി: പതിനാറുകാരിയായ സ്‌കൂൾ വിദ്യാർഥിനിയെ സമൂഹമാധ്യമങ്ങളിലൂടെ പരിചയപ്പെട്ട ശേഷം ലൈംഗികമായി പീഡിപ്പിച്ച കേസിൽ ഇടുക്കി സ്വദേശിയെ പൊലീസ് അറസ്റ്റ് ചെയ്തു‌. പീരുമേട് കരടിക്കുഴി പട്ടുമുടി എസ്‌റ്റേറ്റ് ഹൗസ് നമ്പർ 189-ൽ കുമാർ (23)യാണ് അറസ്റ്റിലായത്. സമൂഹ മാധ്യമം വഴി പരിചയപ്പെട്ട ശേഷം പെൺകുട്ടിയെ വിവാഹ വാഗ്‌ദാനം നൽകിയാണ് 2023 സെപ്റ്റംബർ മുതൽ ഒരു വർഷക്കാലം പീഡിപ്പിച്ചതെന്ന് പൊലീസ് പറഞ്ഞു. ☎️📲 *ചരമ അറിയിപ്പുകളും, വാർത്തകളും, പംക്തികളും* നൽകുവാനായി chat with📲☎️ – https://wa.me/message/FJXDNGIRM3KGN1 #idukki #news #updates…

പീരുമേട്: തൂങ്ങിമരിച്ചെന്നു പറഞ്ഞു ബന്ധുക്കൾ ആശുപത്രിയിൽ എത്തിച്ച യുവാവിൻ്റെ മരണം കൊലപാതകമെന്ന് പൊലീസ്. ക്രൂരമായി മർദനമേറ്റാണു മരണമെന്നു കണ്ടെത്തിയത് പോസ്റ്റ്മോർട്ടത്തിലാണ്. പള്ളിക്കുന്ന് വുഡ്‌ലാൻസ് എസ്‌റ്റേറ്റിൽ കൊല്ലമറ്റത്ത് ബാബുവിൻ്റെ മകൻ ബിബിൻ ബാബു (29) ആണു കൊല്ലപ്പെട്ടത്. തലയ്ക്കു പിന്നിലും തലയുടെ മുകൾ ഭാഗത്ത് ഇരുവശങ്ങളിലും ശക്‌തമായ അടിയേറ്റതും ചവിട്ടേറ്റു ജനനേന്ദ്രിയം തകർന്നതുമാണു മരണത്തിനിടയാക്കിയതെന്നാണു പോസ്റ്റ്മോർട്ടത്തിലെ സൂചനകൾ. ജില്ലാ പൊലീസ് മേധാവി വിഷ്ണു പ്രദീപ് സ്‌ഥലത്തെത്തി ഫൊറൻസിക് സർജൻ ഡോ. ആദർശ് രാധാകൃഷ്‌ണനുമായി കൂടിക്കാഴ്‌ച നടത്തി. പിന്നാലെ കുടുംബാംഗങ്ങൾ,…

തൊടുപുഴ മുനിസിപ്പൽ ബസ് സ്റ്റാൻഡിലെ പ്രധാന കവാടത്തിലെ വഴിയിൽ ഓടയ്ക്ക് മുകളിൽ സ്ഥാപിച്ചിരിക്കുന്ന ഗ്രിൽ യാത്രക്കാർക്കാരുടെ നടുവൊടിക്കും വിധത്തിൽ തകർന്നു.കാൽനടയാത്രക്കാർ ശ്രദ്ധിച്ചില്ലെങ്കിൽ ഗ്രില്ലിന്റെ വിടവിലൂടെ കാൽ വഴുതി ഓടയിലേക്കാകും വീഴുക. മാസങ്ങളായി ഗ്രില്ലുകളിൽ പലതും ദ്രവിച്ച് തകർന്നിട്ടും നഗരസഭ യാതൊരു നടപടിയും എടുത്തിട്ടില്ല. ദിനംപ്രതി ഒട്ടേറെ യാത്രക്കാരും ബസുകളും കടന്നുപോകുന്ന വഴിയുടെ അവസ്‌ഥ കണ്ടു ‘ഹാ കഷ്ടമെന്ന്’ മാത്രമേ നാട്ടുകാർക്ക് പറയാനുള്ളൂ. ബസ് കയറാനുള്ള ഓട്ടത്തിനിടയിൽ ഗ്രില്ലിന്റെ അവസ്‌ഥ അറിഞ്ഞില്ലെങ്കിൽ വലിയ അപകടമാണ് കാത്തിരിക്കുന്നത്. കുട്ടികൾക്കും പ്രായമായവർക്കുമാണ്…

ഇടുക്കി: സംസ്ഥാന യുവജന കമ്മിഷൻ ജില്ലാതല അദാലത്തും ജാഗ്രത സഭ യോഗവും കലക്ടറേറ്റിൽ നടന്നു. സംസ്ഥാന യുവജന കമ്മിഷൻ ചെയർമാൻ എം. ഷാജർ അധ്യക്ഷനായി. മലയാളികൾ വിദേശ തൊഴിൽത്തട്ടിപ്പിനിരയാവുന്ന സംഭവങ്ങൾ ഒഴിവാക്കാൻ ഉദ്യോഗാർഥികൾ ജാഗ്രത പാലിക്കണമെന്നും യുവജനങ്ങൾ നേരിടുന്ന പ്രശ്നങ്ങൾക്ക് കൃത്യമായ പരിഹാരങ്ങൾ ലഭ്യമാക്കുന്നതിന് കമ്മീഷൻ ഇടപെടുമെന്നും യുവജനങ്ങളുടെ മാനസികാരോഗ്യം ഉറപ്പാക്കാനുള്ള പദ്ധതികൾ നടപ്പിലാക്കി വരുകയാണെന്നും എം ഷാജർ പറഞ്ഞു. അദാലത്തിൽ 20 പരാതികളാണ് ലഭിച്ചത്. ഇതിൽ 11 പരാതികൾ തീർപ്പാക്കി. 9 പരാതികൾ അടുത്ത സിറ്റിങിലേയ്ക്ക്…