അങ്കമാലി : അങ്കമാലി ടൗൺ കോളനിക്കടുത്ത് പറക്കുളത്താണ് സംഭവം. അച്ഛനും അമ്മയും രണ്ട് കുട്ടികളുമാണ് മരിച്ചത്. ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമെന്നാണ് സംശയം. ടൗണിലെ മലഞ്ചരക്ക് വ്യാപാരി അയ്യമ്പിള്ളി വീട്ടിൽ ബിനീഷ് കുര്യൻ (45), ഭാര്യ അനു (40), മക്കളായ ജോവാന ബിനീഷ് (8), ജെസ്വിൻ ബിനീഷ് (5) എന്നിവരാണ് മരിച്ചത്. തീ പൂര്‍ണ്ണമായും അണച്ചു. രാത്രിയായതിനാല്‍ തീ പടര്‍ന്നുപിടിച്ചത് പ്രദേശവാസികള്‍ അറിഞ്ഞിരുന്നില്ല.
കോതമംഗലം : മാതിരപ്പിള്ളിയിൽ ദേശീയ പാതയിലേക്ക് തെങ്ങ് കടപുഴകി വീണു. ഓടിക്കൊണ്ടിരുന്ന ബസ് തലനാരിഴക്ക് രക്ഷപ്പെട്ടു.കോതമംഗലം കൊച്ചി – ധനുഷ്കോടി ദേശീയപാതയിൽ മാതിരപ്പിള്ളി ഒന്നാംമൈലിനു സമീപം ഓടിക്കൊണ്ടിരുന്ന ബസിനു മുന്നിൽ തെങ്ങുവീണു. നിറയെ യാത്രക്കാരുമായി പോയ സ്റ്റാർ (അബിൽ മോൻ) എന്ന സ്വകാര്യ ബസ് അപകടത്തിൽ നിന്നു കഷ്ട‌ിച്ചു രക്ഷപ്പെട്ടു. വ്യാഴാഴ്ച്ച നല്ല മഴയത്താണു സംഭവം.കോതമംഗലത്തു നിന്നു മൂവാറ്റുപുഴയ്ക്കു പോയ ബസിനു മുൻപിലേക്കു സമീപത്തെ പുരയിടത്തിലെ തെങ്ങ് കടപുഴകി വീഴുകയായിരുന്നു.ഡ്രൈവർ പെട്ടന്ന് തന്നെ സഡൻ ബ്രേക്കിട്ടതിനാൽ തെങ്ങ്…
കോട്ടയം : ജില്ലയിൽ രണ്ടു ദിവസം ശക്തമായ ഇടിമിന്നലിന് സാധ്യതയുള്ളതയുള്ളതിനാൽ ഇടിമിന്നൽ ജാഗ്രതയുടെ ഭാഗമായി ഇലവീഴാപുഞ്ചിറയിലും, ഇല്ലിക്കൽകല്ലിലും സഞ്ചാരികൾക്ക് രണ്ടു ദിവസം വിലക്ക് ഏർപ്പെടുത്തി.
കൊച്ചി – ധനുഷ്കോടി ദേശീയപാതയിൽ ചീയപ്പാറക്ക് സമീപം 42 ഓളം യാത്രക്കാരുമായി മൂന്നാർ കാന്തല്ലൂർ KSRTC ബസ്സിന്റെ മുൻവശത്തെ ഗ്ലാസിനു മുകളിലായി ഉണക്ക മരത്തിൻറെ ശിഖരം പതിച്ചു. ബസ്സ് നിയന്ത്രണം വിട്ടു തെന്നി മാറിയെങ്കിലും ഡ്രൈവറുടെ സംയോജിത മായ ഇടപെടൽ മൂലം ആർക്കും അപകടം ഒന്നും സംഭവിച്ചില്ല. ദേശീയപാതയിൽ അപകട ഭീഷണിയിൽ നിൽക്കുന്ന നിരവധി മരങ്ങൾ ഉണ്ടെങ്കിലും, പലകുറി വെട്ടിമാറ്റും എന്ന് പറഞ്ഞിട്ടുണ്ടെങ്കിലും, ബന്ധപ്പെട്ട അധികാരികൾ ഇതിനൊന്നും കൂട്ടാക്കുന്നില്ല. വരാനിരിക്കുന്ന ശക്തമായ കാലവർഷത്തിൽ വലിയ അപകടമാണ് ഈ…
ഈരാറ്റുപേട്ട : ഇല്ലിക്കൽ കല്ല് കാണാനെത്തിയ വിദ്യാർത്ഥികൾക്ക് ഇടിമിന്നലേറ്റ് പരിക്ക്. കാഞ്ഞിരപ്പള്ളിയിൽ നിന്നെത്തിയ വിദ്യാർത്ഥികൾക്കാണ് പരിക്കേറ്റത്. ഇവരെ പാലായിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്ന് ഉച്ചയ്ക്ക് പന്ത്രണ്ടരയോടെയായിരുന്നു സംഭവം. തെളിഞ്ഞ കാലാവസ്ഥയിൽ പൊടുന്നനെയാണ് ഇടിമിന്നലുണ്ടായത്. പ്രദേശത്ത് സ്ഥാപിച്ചിരുന്ന കൈവരികളിൽ പിടിച്ചുനിൽക്കുകയായിരുന്ന 2 പേർക്കാണ് ആഘാതമേറ്റത്. സ്ഥലത്തെ ഡിറ്റിപിസി ജീവനക്കാർ ചേർന്ന് ബോധക്ഷയം വന്ന ഇരുവരെയും ഈരാറ്റുപേട്ടയിലെ സ്വകാര്യ ആശുപത്രിയിലെത്തിക്കുകയായിരുന്നു. തുടർന്ന് ആംബുലൻസിൽ പാലായിലെ സ്വകാര്യ ആശുപത്രിയിലേയ്ക്ക് മാറ്റി. പരിക്കേറ്റ പെൺകുട്ടിയുടെ കഴുത്തിലെ മാല കരിഞ്ഞ നിലയിലായിരുന്നു.
കേരള വന ഗവേഷണ കേന്ദ്രം സ്‌കൂള്‍ വിദ്യാര്‍ത്ഥികളില്‍ നിന്നും ” ഇലക്ട്രിക്‌ പാഴ്വസ്തുക്കള്‍ ” എന്ന വിഷയത്തില്‍ ലേഖനം, കാര്‍ട്ടൂണ്‍ എന്നിവ ക്ഷണിച്ചു.അഞ്ഞൂറ് വാക്കില്‍ കവിയാതെ മലയാളത്തിലെഴുതിയ ലേഖനവും കാര്‍ട്ടൂണുമാണ്‌ പരിഗണിക്കുക. 6 മുതല്‍ 8 വരെയുള്ള ക്ലാസ്സുകളിലെ വിദ്യാര്‍ത്ഥികള്‍ക്ക്‌ മാത്രമാണ്‌ അവസരം. തിരഞ്ഞെടുക്കപ്പെടുന്ന സൃഷ്ടികള്‍ പുസ്തകരൂപത്തില്‍ പ്രസിദ്ധീകരിക്കുന്നതാണ്‌. പ്രാധാന അധ്യാപകന്റെ സാക്ഷ്യപത്രത്തോടൊപ്പം സൃഷ്ടികള്‍ സ്‌കാന്‍ ചെയ്ത്‌ ഇ മെയിലായി അയക്കണം. അയക്കേണ്ട വിലാസം training@kfri.org. അവസാന തീയതി ജൂൺ 20 വൈകീട്ട് 5.30. വൈകി ലഭിക്കുന്ന…
കൊട്ടാരക്കര : വാളകത്ത് അമ്മ ഓടിച്ചിരുന്ന കാർ നിയന്ത്രണം വിട്ട് റോഡരികിലെ കടത്തിണ്ണയിലേക്ക് ഇടിച്ചു കയറി മറിഞ്ഞുണ്ടായ അപകടത്തിൽ മകൾക്ക് ദാരുണാന്ത്യം. കൊട്ടാരക്കര ലോവർ കരിക്കം ന്യൂ ഹൗസിൽ ജയിംസ് ജോർജിന്റെയും ബിസ്മിയുടെയും മകൾ ആൻ്റിയ (16) ആണ് മരിച്ചത്. കാർ ഓടിച്ചിരുന്ന ബിസ്മി (39), ഒപ്പമുണ്ടായിരുന്ന മുത്തശ്ശി ശോശാമ്മ (76) എന്നിവരെ പരിക്കുകളോടെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. വ്യാഴാഴ്ച ഉച്ചയ്ക്ക് രണ്ടുമണിയോടെ എം.സി. റോഡിൽ വാളകം വില്ലേജ് ഓഫീസിന് സമീപമായിരുന്നു അപകടം. മറിഞ്ഞ കാറിനടയിൽപ്പെട്ട…
പീരുമേട് : കച്ചേരിക്കുന്ന് കുമാർ ഭവനിൽ കുമാറിന്റെ പുരയിടത്തിലെ കൃഷി ദേഹണ്ഡങ്ങൾ കാട്ടാന കൂട്ടമെത്തി നശിപ്പിച്ചു.കപ്പ, വാഴ, തെങ്ങ്, കവുങ്ങ് തുടങ്ങിയ ദേഹണ്ഡങ്ങളും വാട്ടർ ടാങ്കും നശിപ്പിക്കുകയുണ്ടായി. പുലർച്ചെ രണ്ടു മണിയോടു കൂടിയാണ് കാട്ടാനക്കൂട്ടം പീരുമേട് കച്ചേരിക്കുന്നു ഭാഗത്ത് എത്തിയത്. വലിയ ശബ്ദം കേട്ട് വാതിൽ തുറന്നപ്പോഴേക്കും കാട്ടാനക്കൂട്ടം മറ്റൊരു അടുത്തേക്ക് പോയതായി വീട്ടുകാർ പറഞ്ഞു. കഴിഞ്ഞ നാളുകൾക്കിടയിൽ ഇത് മൂന്നാം പ്രാവശ്യമാണ് കച്ചേരിക്കുന്നു ഭാഗത്ത് കാട്ടാനക്കൂട്ടം ഇറങ്ങുന്നത്. പീരുമേട് ഗ്രാമപഞ്ചായത്തിന്റെ നേതൃത്വത്തിൽ വനംവകുപ്പ് ഉദ്യോഗസ്ഥരെ വിളിച്ചുചേർത്ത്…
കുട്ടിക്കാനം: ഓട്ടത്തിനിടെ പ്ലേറ്റ് സെറ്റ് ഇളകി തെറിച്ച കെഎസ്ആർടിസി ബസ് വൻ അപകടത്തിൽ നിന്നും രക്ഷപെട്ടത് തലനാരിഴയ്ക്ക്. മുണ്ടക്കയം- കുമളി റൂട്ടിൽ കുട്ടിക്കാനത്തിന് സമീപം ഇന്ന് രാവിലെയായിരുന്നു അപകടം. ഒരു വശത്ത് 800 അടിയോളം താഴ്ച്ചയുള്ള ചെങ്കുത്തായ കൊക്കയുള്ള ഭാഗത്ത് വച്ചാണ് ഓടിക്കൊണ്ടിരുന്ന ബസിന്റെ പ്ലേറ്റ് സെറ്റ് ഇളകിമാറിയത്. ഇതോടെ നിയന്ത്രണം വിട്ട ബസ് റോഡരികിലെ സുരക്ഷാ ഭിത്തി ഇടിച്ചു തകർത്ത് കൊക്കയുടെ സമീപത്തായി നിന്നു. ഡ്രൈവറുടെ മനസാനിധ്യവും ഭാഗ്യവും തുണച്ചില്ലായിരുന്നെങ്കിൽ ബസ് കൊക്കയിലേക്ക് പതിക്കുമായിരുന്നു. കോട്ടയത്തു…
സ്വകാര്യ ബസ് യാത്രക്കിടെ ഹൃദയാഘാതത്തെ തുടർന്നു യുവാവിന് ദാരുണാന്ത്യം. തൊടുപുഴ കാരിക്കോട് സ്വദേശി മാലപ്പറമ്പിൽ എം.എ.ആസാദ് (42) ആണു മരണപ്പെട്ടത്. കോട്ടയം അരീപ്പറമ്പ് പാമ്പാടി റൂട്ടിൽ സർവീസ് നടത്തുന്ന അറബെല്ല ബസിലാണു സംഭവം. പാമ്പാടിയിൽ നിന്നും ബസ് നാഗമ്പടം സ്റ്റാൻഡിൽ എത്തി ആളെ ഇറക്കുന്ന സമയത്താണ് ഫുഡ്ബോർഡിന് മുന്നിലെ സീറ്റിൽ യാത്രക്കാരൻ അനക്കമില്ലാതെ ഇരിക്കുന്നതു ജീവനക്കാർ ശ്രദ്ധിച്ചത്. ഉടൻതന്നെ ഈ ബസിലെ തന്നെ യാത്രക്കാരിയായിരുന്ന നഴ്‌ം, നാഗമ്പടം എയ്ഡ് പോസ്റ്റിലുണ്ടായിരുന്ന പോലീസുദ്യോഗസ്ഥരും ചേർന്നു പരിശോധിച്ചപ്പോൾ അബോധാവസ്ഥയിലാണെന്നു തിരിച്ചറിയുകയും…
