വർത്തമാനം

ഇടുക്കി : ചരിത്രത്തിൽ ആദ്യമായി സംസ്ഥാനത്ത് സ്വർണവില അരലക്ഷം രൂപ കടന്നു. വ്യാഴാഴ്‌ച്ച പവൻ്റെ വില 1,040 രൂപ കൂടി 50,400 രൂപയിലെത്തി. ഗ്രാമിന്റെ വില 130 രൂപ വർധിച്ച് 6,300 രൂപയുമായി. 49,360 രൂപയായിരുന്നു കഴിഞ്ഞ ദിവസം പവന്റെ വില. ഒരുവർഷത്തിനിടെ 10,000 രൂപയോളമാണ് വർധിച്ചത്. ആഗോള വിപണിയിലെ വിലവർധനവാണ് സംസ്ഥാനത്തും പ്രതിഫലിച്ചത്. അന്താരാഷ്ട്ര വിപണിയിൽ സ്പോട് ഗോൾഡ് വില ട്രോയ് ഔൺസിന് 2,225 ഡോളറായി വർധിച്ചു. രാജ്യത്തെ കമ്മോഡിറ്റി വിപണിയായ എം.സി.എക്സിൽ പത്ത് ഗ്രാം…

രാജ്യത്ത് മൂന്നാഴ്ച ലോക്ഡൗണ്‍ എന്ന് ഫേസ്ബുക്ക് വഴി വ്യാജപ്രചാരണം നടത്തിയ കേസില്‍ ഒരാള്‍ അറസ്റ്റില്‍. മലപ്പുറം ചമ്രവട്ടം മുണ്ടുവളപ്പില്‍ ഷറഫുദീനെ (45)യാണ് തിരൂര്‍ പൊലീസ് അറസ്റ്റു ചെയ്തത്. മാര്‍ച്ച് 25ന് അര്‍ധരാത്രി മുതല്‍ രാജ്യത്ത് മൂന്നാഴ്ച ലോക്ഡൗണ്‍ ആണെന്നും ഈ സമയം ബിജെപിക്ക് അനുകൂലമായി ഇ.വി.എം മെഷീന്‍ തയ്യാറാക്കുമെന്നും ശേഷം അരവിന്ദ് കെജ്രിവാളിന് ജാമ്യം ലഭിക്കുമെന്നും കാണിച്ചാണ് ഇയാള്‍ ഫേസ്ബുക്കില്‍ പോസ്റ്റിട്ടതെന്ന് പൊലീസ് പറഞ്ഞു. സൈബര്‍ കുറ്റകൃത്യങ്ങള്‍ നിരീക്ഷിച്ചു വരുന്ന കൊച്ചി ആസ്ഥാനമായ സൈബര്‍ ഡോമില്‍ നിന്നു…

മൂവാറ്റുപുഴ : തൃക്കളത്തൂർ ഭാഗത്തുനിന്നും ഒട്ടുപാൽ മോഷണം നടത്തിയ കേസിലെ പ്രതികൾ കസ്റ്റഡിയിൽ. പേഴക്കാപ്പിള്ളി മേനാംതുണ്ടത്ത് നിബിൻ (24), വീട്ടൂരിൽ വാടകയ്ക്ക് താമസിക്കുന്ന ജോയൽ സെബാസ്റ്റ്യൻ (26) എന്നിവരെയാണ് മൂവാറ്റുപുഴ പോലീസ് കസ്റ്റഡിയിൽ എടുത്തത്. കഴിഞ്ഞ 23 -ന് ആണ് സംഭവം.

തൊടുപുഴ : ബാങ്കിൻ്റെ ജപ്‌തി നോട്ടീസ് ലഭിച്ച ഗൃഹനാഥൻ ആത്മഹത്യ ചെയ്തു. കാളിയാർ മുള്ളൻകുത്തി കുഴിയാമ്പിൽ ബെന്നി (54) യെയാണ് അയൽവാസിയുടെ പുരയിടത്തിൽ തൂങ്ങി മരിച്ച നിലയിൽ കണ്ടെത്തിയത്. ഈട് വസ്തു ജപ്തി ചെയ്യുന്നതിനു മുന്നോടിയായി നോട്ടിസ് ലഭിച്ചതിനെ തുടർന്നാണ് ജീവനൊടുക്കിയതെന്ന് ബന്ധുക്കൾ പറയുന്നു. 2013 ൽ തൊടുപുഴ കാർഷിക വികസന ബാങ്കിൽനിന്ന് രണ്ടു ലക്ഷം രൂപ വായ്‌പ എടുത്തിരുന്നു. ഇതിൽ കുറച്ച് തവണകൾ അടയ്ക്കുകയും ചെയ്തു. മുൻപ് ഇയാൾ നാഗാലാൻഡിൽ അധ്യാപകനായിരുന്നു. നാല് വർഷം മുൻപാണ്…

തിരുവനന്തപുരം : ഉള്ളടക്കത്തിലും പ്രചാരണത്തിലും ഒടിടി മേഖലയിലെ വർധിച്ചുവരുന്ന അസന്തുലിതാവസ്ഥകളോടും വെല്ലുവിളികളോടുമുള്ള പ്രതികരണമാണ് സി സ്പേസിലൂടെ യാഥാർഥ്യമായതിലൂടെ സാധ്യമാക്കുന്നത്. കെ.എസ്.എഫ്.ഡി.സിക്കാണ് സി സ്പേസിന്റെ നിർവ്വഹണച്ചുമതല. സി സ്പേസിലേക്കുള്ള സിനിമകൾ തെരഞ്ഞെടുക്കുന്നതിനും അംഗീകരിക്കുന്നതിനുമായി 60 പേരുടെ ക്യൂറേറ്റർ സമിതി കെ.എസ്.എഫ്.ഡി.സി. രൂപീകരിച്ചിട്ടുണ്ട്. സി സ്പേസിലേക്ക് സമർപ്പിക്കുന്ന ഉള്ളടക്കങ്ങളുടെ കലാപരവും സാംസ്‌കാരികവുമായ മൂല്യം സമിതി വിലയിരുത്തും. ഇവർ ശുപാർശ ചെയ്യുന്ന സിനിമകൾ മാത്രമേ പ്ലാറ്റ്‌ഫോമിൽ പ്രദർശിപ്പിക്കുകയുള്ളൂ. സി സ്പേസിന്റെ ആദ്യ ഘട്ടത്തിലേക്ക് 42 സിനിമകളാണ് തെരഞ്ഞെടുത്തിട്ടുള്ളത്. ദേശീയ-സംസ്ഥാന പുരസ്‌ക്കാരങ്ങൾ നേടിയതോ…

തൊടുപുഴ : ഭിന്നശേഷിക്കാരനെ അപമാനിച്ചെന്ന ആരോപണവുമായി ബന്ധപ്പെട്ട് കുമാരമംഗലം പഞ്ചായത്തിൽ വീണ്ടും ബഹളം. ആരോപണവുമായി ബന്ധപ്പെട്ട വിഷയങ്ങൾ സംസാരിക്കണമെന്നാവശ്യപ്പെട്ട് യൂത്ത് കോൺഗ്രസ് പ്രവർത്തകർ എത്തിയപ്പോൾ സെക്രട്ടറി പഞ്ചായത്ത് ഓഫീസ് അകത്തുനിന്നു പൂട്ടിയതോടെയാണ് നാടകീയ സംഭവങ്ങൾക്ക് തുടക്കം.യൂത്ത് കോൺഗ്രസ് പ്രവർത്തകർ ഓഫീസ് പുറമേ നിന്നും പൂട്ടി. ഇന്നലെ മൂന്നോടെയായിരുന്നു സംഭവങ്ങൾ അരങ്ങേറിയത്. ഇതിനിടെ പഞ്ചായത്ത് അംഗങ്ങൾ തമ്മിൽ ഭിന്നതയും ഉടലെടുത്തു. കഴിഞ്ഞ നാലിനു പഞ്ചായത്ത് ഓഫീസിൽ മുൻപ് നൽകിയ പരാതിയെക്കുറിച്ച് അന്വേഷിക്കാനെത്തിയ ഭിന്നശേഷിക്കാരനായ പെരുമ്പിള്ളിച്ചിറ തൃക്കടായിൽ ഇസ്മയിൽ മുഹമ്മദിനെ…

കോട്ടയം : കുറവിലങ്ങാട് കാളികാവില്‍ കെ.എസ്.ആര്‍.ടി.സി ബസ് തലകീഴായി മറിഞ്ഞ് 24 പേര്‍ക്ക് പരുക്ക്. തിരുവനന്തപുരം- മൂന്നാർ കെഎസ്ആർടിസി സൂപ്പർഫാസ്റ്റ് ബസ് ആണ് കാറുമായി കൂട്ടിയിടിച്ച് നിയന്ത്രണം വിട്ടു മറിഞ്ഞത്. കാര്‍ ഡ്രൈവര്‍‌ക്കും സാരമായി പരുക്കേറ്റിട്ടുണ്ട്. പരുക്കേറ്റ അഞ്ചു പേരെ കോട്ടയം മെഡിക്കൽ കോളജിലും 19 പേരെ തെള്ളകത്തെ സ്വകാര്യ ആശുപത്രിയിലും പ്രവേശിപ്പിച്ചു. മുപ്പതോളം ആളുകളാണ് ബസില്‍ ഉണ്ടായിരുന്നത്. മെഡിക്കല്‍ കോളേജില്‍ പ്രവേശിപ്പിച്ചവരുടെ പരുക്ക് ഗുരുതരമല്ല. നാട്ടുകാരാണ് ബസിനുള്ളിലുണ്ടായിരുന്നവരെ പുറത്തെത്തിച്ചത്.

ഇടുക്കി: വെള്ളത്തൂവൽ പൊലീസ് സ്റ്റേഷനിലെ ഡ്രൈവറെ ആക്രമിച്ച രണ്ടംഗ സംഘം അറസ്റ്റിലായി. പൊലീസ് ഡ്രൈവർ പത്താംമൈൽ സ്വദേശി നെടിയകാലായിൽ അനീഷ്കുമാറി (40) -നെ വെട്ടിപ്പരിക്കേൽപ്പിച്ച മന്നാംങ്കാല സ്വദേശി അത്തിക്കുഴിയിൽ സന്തോഷ് കുട്ടപ്പൻ (40), ശല്യമ്പാറ ഓലിക്കൽ ലൈജു എൽദോസ് (46) എന്നിവരാണ് പിടിയിലായത്. അനീഷ്കുമാർ 200 ഏക്കറിലുള്ള ഭാര്യവീട്ടിലേക്ക് ബൈക്കിൽ പോകുന്നതിനിടെ പ്രതികളുടെ വാഹനവുമായി തട്ടിയതിനെച്ചൊല്ലി വാക്കുതർക്കമാണ് ആക്രമണത്തിൽ കലാശിച്ചത്. മദ്യലഹരിയിലായിരുന്ന പ്രതികൾ അനീഷിനെതിരെ അസഭ്യവർഷം നടത്തി കത്തികൊണ്ട് കുത്തിപ്പരിക്കേൽപ്പിക്കുകയായിരുന്നു. അനീഷ്കുമാർ അടിമാലി താലൂക്ക് ആശുപത്രിയിൽ ചികിത്സതേടി….

തൊടുപുഴ : വിവാദ സ്വാമി സന്തോഷ് മാധവൻ (50) അന്തരിച്ചു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. സ്വയം സന്യാസപരിവേഷം ചാർത്തിയ സന്തോഷ് മാധവൻ ശാന്തീതീരം എന്ന സന്യാസാശ്രമം നടത്തുകയും ഒട്ടേറെ വഞ്ചനാക്കുറ്റങ്ങളിൽ അറസ്റ്റിലാകുകയും ചെയ്‌തിരുന്നു. വർഷങ്ങൾ നീണ്ട ജയിൽവാസത്തിന് ശേഷം പുറംലോകവുമായി അധികം ബന്ധമില്ലാതെയാണ് സന്തോഷ് മാധവൻ ജീവിച്ചിരുന്നത്. കട്ടപ്പനയിലെ ദരിദ്രകുടുംബത്തിലായിരുന്നു സന്തോഷിന്റെ ജനനം. കട്ടപ്പന ഇരുപതേക്കറിൽ പാറായിച്ചിറയിൽ മാധവന്റെയും തങ്കമ്മയുടെയും മകനായ സന്തോഷ് കട്ടപ്പന ഗവൺമെന്റ് ഹൈസ്ക്കൂളിൽ നിന്നും പത്താം ക്ലാസ് പാസായി. പിന്നീട് നാടുവിടുകയായിരുന്നു….

തിരുവനന്തപുരം : സപ്ലൈകോയിലെ പ്രതിസന്ധി ഉടൻ പരിഹരിക്കുമെന്ന് ഭക്ഷ്യമന്ത്രി ജി ആർ അനിൽ. പൊതുമേഖല സ്ഥാപനമെന്ന നിലയിൽ സപ്ലൈകോയെ സംരക്ഷക്കെണ്ട ചുമതല എല്ലാവർക്കുമുണ്ട്. സാധനങ്ങൾ ഉടൻ സപ്ലൈകോയിൽ എത്തി തുടങ്ങുമെന്നും മന്ത്രി ജി ആർ അനിൽ വ്യക്തമാക്കി. ശബരി കെ റൈസ് വിതരണം ഈ മാസം 12 മുതൽ ആരംഭിച്ചേക്കുമെന്ന് മന്ത്രി പറഞ്ഞു. കേന്ദ്രത്തിന്റെ ഭാരത് അരിയെ വെല്ലാൻ കേരളത്തിന്റെ കെ റൈസ് വിപണിയിലേക്ക് എത്തും. സപ്ലൈകോ വഴിയാണ് വിതരണം നടത്തുക. ജയ അരി 29 രൂപ,…