ഇടുക്കി: അടിമാലി ടൗണിൽ പഞ്ചായത്ത് ടൗൺ ഹാളിന് സമീപം സ്വകാര്യ ബസിന് മുകളിലേക്ക് മരം കടപുഴകി വീണു. വെള്ളിയാഴ്ച രാവിലെയാണ് സംഭവം. ബസിന്റെ മുൻവശം പൂർണമായും തകർന്നു. അപകടത്തിൽ ആർക്കും പരിക്കില്ല. ദിവസങ്ങൾക്ക് മുമ്പ് ഇതേ മരത്തിന്റെ ശിഖരം ഓട്ടോറിക്ഷയുടെ മുകളിലേക്ക് ഒടിഞ്ഞ് വീണിരുന്നു. മരം മുറിച്ച് നീക്കണമെന്ന് പ്രദേശവാസികൾ നിരവധി തവണ ആവശ്യമുന്നയിച്ചിരുന്നു. ഫയർഫോഴ്സിന്റെ നേതൃത്വത്തിൽ മരം മുറിച്ച് നീക്കി.
