ഇതുവരെ യാത്രക്കാർ 11.71 കോടി; കൊച്ചി മെട്രോ ഏഴാം വയസ്സിലേക്ക്

കേരളത്തിലെ ആദ്യ മെട്രോ കൊച്ചിയിൽ സർവീസ് തുടങ്ങിയിട്ട് ഈ മാസം ഏഴുവർഷമാകും. പ്രതിദിനം ഒരുലക്ഷം യാത്രക്കാരെന്ന ലക്ഷ്യം കൈവരിക്കാനായതിന്റെ സന്തോഷത്തിലാണ് ഇത്തവണത്തെ പിറന്നാളാഘോഷം. മേയ് അവസാന ആഴ്ച മുതലുള്ള ദിവസങ്ങളിൽ മെട്രോയിൽ പ്രതിദിനം യാത്ര ചെയ്യുന്നവരുടെ എണ്ണം ഒരു ലക്ഷത്തിന് മുകളിലാണ്. 90,000 ത്തിൽ നിന്നാണ് യാത്രക്കാരുടെ എണ്ണത്തിൽ പെട്ടെന്ന് വർധനയുണ്ടായത്.