തൊടുപുഴ: ഐ എം എ ബ്ലഡ് ബാങ്കിന്റെ നേതൃത്വത്തിൽ ഐ എം എ ഹാളിൽ നടന്ന ബോധവൽക്കരണ സെമിനാറും കഴിഞ്ഞവർഷത്തെ മികച്ച ബ്ലഡ് ഡൊണേഷൻ ക്യാമ്പുകൾ സംഘടിപ്പിച്ച കോളേജുകകളേയും, സ്കൂളുകകളേയും, ക്ലബ്ബുകകളേയും, വിവിധ സംഘടനകളെയും പുരസ്കാരങ്ങൾ നൽകി ആദരിച്ചു. മുൻസിപ്പൽ ചെയർമാൻ ശ്രീ സനീഷ് ജോർജ് ഉദ്ഘാടനം നിർവഹിച്ചു. കൂടാതെ ഏറ്റവും കൂടുതൽ രക്തം നൽകിയ ഷീൻ വർഗീസിന് (മുനിസിപ്പൽ കൗൺസിലർ കൂടിയാണ് ) ബെസ്റ്റ് ഡോണർ അവാർഡും ബെസ്റ്റ് മോട്ടിവേറ്റർ അവാർഡ് വാഴക്കുളം വിശ്വജ്യോതിഎൻജിനീയറിങ് കോളേജിലെ രാകേഷ് ജോസിനെയും പ്രത്യേക പുരസ്കാരങ്ങൾ നൽകി ആദരിച്ചു. ചടങ്ങിൽ ഐ എം എ ബ്ലഡ് ബാങ്കിന്റെ പ്രസിഡണ്ട് ഡോക്ടർ സി. വി ജേക്കബ് അധ്യക്ഷത വഹിച്ചു. ജില്ല ആശുപത്രി സൂപ്രണ്ട് ഡോക്ടർ അജി പി. എൻ മുഖ്യപ്രഭാഷണം നടത്തി. ആശംസകൾ അർപ്പിച്ചുകൊണ്ട് മുൻ ബ്ലഡ് ബാങ്ക് പ്രസിഡന്റുമാരായ ഡോക്ടർ സുമി ഇമ്മാനുവൽ, ഡോക്ടർ സോണി തോമസ് എന്നിവർ സംസാരിച്ചു. പുരസ്കാരങ്ങൾക്ക് തെരഞ്ഞെടുത്തവരെ പരിചയപ്പെടുത്തിയത് ജയചന്ദ്രൻ. വി ബ്ലഡ് ബാങ്ക് ടെക്നീഷ്യൻ. പി. എ സലിംകുട്ടി നന്ദി അർപ്പിച്ചു.
വേൾഡ് ബ്ലഡ് ഡോണർ ഡേ മുൻസിപ്പൽ ചെയർമാൻ ശ്രീ സനീഷ് ജോർജ് ഉദ്ഘാടനം ചെയ്തു.
