ഇടുക്കി: മഹിളാ കോൺഗ്രസ് സംസ്ഥാന പ്രസിഡൻ്റ് അഡ്വ. ജെബി മേത്തർ എംപി നയിക്കുന്ന മഹിളാ സാഹസ് കേരള യാത്രയ്ക്ക് കട്ടപ്പനയിൽ സ്വീകരണം നൽകി. കെപിസിസി സെക്രട്ടറി തോമസ് രാജൻ ഉദ്ഘാടനം ചെയ്‌തു. ലൂസിഫർ സിനിമയിലെ രാഷ്ട്രീയ നീചത്വങ്ങൾ ഇപ്പോൾ കേരളത്തിൽ പിണറായി സർക്കാർ നടപ്പിലാക്കുകയാണ്. യുവതലമുറയെ ലഹരിക്കടിമയാക്കി രാഷ്ട്രീയവും സാമ്പത്തികവുമായ ലാഭം കൊയ്യുകയാണ് ഇടതുപക്ഷം എന്ന് അദ്ദേഹം പറഞ്ഞു. ഡിവൈഎസ്‌പി ഓഫീസ് പടിക്കൽ നിന്ന് സർവീസ് ഓഡിറ്റോറിയത്തിലേയ്ക്ക് സ്വീകരണ ജാഥയും നടത്തി. വനിതാ കോൺഗ്രസ് മണ്ഡലം പ്രസിഡൻ്റ് സജിമോൾ ഷാജി അധ്യക്ഷയായി. നേതാക്കളായ അഡ്വ. ജോയി തോമസ്, എ പി ഉസ്‌മൻ, അഡ്വ. കെ ജെ ബെന്നി, മിനി സാബു, ബീന ടോമി, ജോസ് മുത്തനാട്ട്, തോമസ് മൈക്കിൾ, സിജു ചാക്കുംമൂട്ടിൽ, സിന്ധു വിജയകുമാർ, മണിമേഖല എന്നിവർ സംസാരിച്ചു.
☎️📲 ചരമ അറിയിപ്പുകളും, വാർത്തകളും, പംക്തികളും നൽകുവാനായി chat with📲☎️ – https://wa.me/message/FJXDNGIRM3KGN1
