കുമളി : തേനി ജില്ലയിലെ കമ്പത്ത് ആറ് കിലോ കഞ്ചാവുമായി ദമ്പതികള്‍ അറസ്റ്റില്‍. സ്വകാര്യ വ്യക്തിയുടെ കൃഷിയിടത്തില്‍ ഒളിപ്പിച്ചുവെച്ച്‌ കഞ്ചാവ് വില്‍പന നടത്തുന്നതിനിടെയാണ് ദമ്പതികളെ പൊലീസ് അറസ്റ്റ് ചെയ്തത്.
കമ്പം ശുലത്തേവർ തെരുവില്‍ രത്തിനമണി (53), ഭാര്യ ചിത്ര (44) എന്നിവരാണ് അറസ്റ്റിലായത്. ഇവരില്‍നിന്ന് ആറു കിലോ കഞ്ചാവ് പൊലീസ് കണ്ടെടുത്തു. കമ്പം എസ്.ഐ കോണ്ടണ്ട രാമന് ലഭിച്ച രഹസ്യവിവരത്തെ തുടർന്നാണ് സ്വകാര്യ വ്യക്തിയുടെ മാവിൻതോപ്പില്‍ പരിശോധന നടന്നത്.
പൊലീസ് എത്തുന്നതറിഞ്ഞ് കമ്പം സ്വദേശി സുരേഷ്, ഭാര്യ ശിവനമ്മാള്‍ എന്നിവർ കടന്നുകളഞ്ഞു.
ഇവർക്കായി തിരച്ചില്‍ ആരംഭിച്ചു. കേരളത്തില്‍നിന്ന് എത്തുന്നവർക്ക് വില്‍ക്കാനാണ് മാവിൻതോപ്പില്‍ കഞ്ചാവ് സൂക്ഷിച്ചിരുന്നത്. രണ്ടുകിലോ വീതമുള്ള പാക്കറ്റുകളിലാക്കിയാണ് കഞ്ചാവ് തയ്യാറാക്കി വെച്ചിരുന്നത്. പ്രതികളെ ശനിയാഴ്ച്ച ഉത്തമപാളയം കോടതിയില്‍ ഹാജരാക്കും.
☎️📲 *ചരമ അറിയിപ്പുകളും, വാർത്തകളും, പംക്തികളും* നൽകുവാനായി chat with📲☎️ – https://wa.me/qr/J4J6YPKWV6EZP1
#കഞ്ചാവുവില്പന #ദമ്പതികൾഅറസ്റ്റിൽ #കുമളി
