കട്ടപ്പന : ഗർഭിണിയായ ഭാര്യയെ കാണാൻ എത്തിയ യുവാവിനെ അയൽവാസി കോടാലി കൊണ്ട് വെട്ടിക്കൊലപ്പെടുത്തി.
ഇന്നലെ വൈകിട്ട് ഏഴോടെ സുവർണഗിരി ഭജനമഠം ഭാഗത്തായിരുന്നു സംഭവം. കക്കാട്ടുകട കളപ്പുരയ്ക്കൽ സുബിൻ ഫ്രാൻസിസ് (35) ആണ് ദാരുണമായി കൊല്ലപ്പെട്ടത്.
സംഭവത്തിൽ സുവർണഗിരി വെൺമാന്തറ ബാബുവിനെ (58) പൊലീസ് ബലപ്രയോഗത്തിലൂടെ കീഴ്പ്പെടുത്തി, കസ്റ്റഡിയിലെടുത്തു. ഇയാൾ ലഹരിക്ക് അടിമയാണെന്നാണ് പ്രാഥമികമായി പുറത്തുവന്നിട്ടുള്ള വിവരം. സുബിന്റെ ഭാര്യ : ലിബിയ. മകൾ: എസ്സ
ഗർഭിണിയായ ലിബിയ കുറച്ചുദിവസമായി സുവർണ്ണഗിരി ഭാഗത്തെ സ്വന്തംവീട്ടിലാണ് കഴിഞ്ഞിരുന്നത്. ഇന്നലെ ഭാര്യയെ കാണുന്നതിനായിട്ടാണ് സുബിൻ ഇവിടേയ്ക്ക് എത്തിയത്.
