പെരുമ്പിള്ളിച്ചിറ : വീടിൻ്റെ ടെറസിന് മുകളിലേക്ക് കയറാനുള്ള ശ്രമത്തിനിടെ കോണിയിൽ നിന്ന് വീണ് ഗൃഹനാഥൻ മരിച്ചു. പെരുമ്പിള്ളിച്ചിറ കൊറ്റിയാട്ട് അലിയാറാണ് (70) മരിച്ചത്. ശനിയാഴ്ച രാവിലെ എട്ടരയോടെ വീടിന് മുകളിലെ ചോർച്ച പരിശോധിക്കാനായി ടെറസിലേക്ക് കയറാനുള്ള ശ്രമത്തിനിടെ കോണിയിൽ നിന്ന് തെന്നി അലിയാർ വീട്ടുമുറ്റത്തേക്ക് വീഴുകയായിരുന്നു. ഗുരുതരമായി പരിക്കേറ്റ അലിയാറിനെ ഉടൻ തന്നെ തൊടുപുഴയിലെ സ്വകാര്യ ആശുപത്രിയിലും പിന്നീട് വിദഗ്ദ്ധ ചികിത്സയ്ക്കായി എറണാകുളത്തെ സ്വകാര്യ ആശുപത്രിയിലുമെത്തിച്ചു. എറണാകുളത്തെ സ്വകാര്യ ആശുപത്രിയിൽ ചികിത്സയിലിരിക്കെ ഇന്ന് പുലർച്ചെ രണ്ടോടെ മരണപ്പെടുകയായിരുന്നു. കബറടക്കം നടത്തി.
മക്കൾ: സറീന, സലീന , ഹസീന, അനസ്.
മരുമക്കൾ: കബീർ, അലി, ഷമീർ, റെജീന.